قبل مااولد بشهرين

الضړبة اللي متموتش.. تقوي
قبل ما أولد بشهرين جوزي زق ورقة الطلاق قدامي على السفرة بمنتهى البرود واعترف إنه على علاقة بأعز صاحبة ليا.. والمفاجأة إنها هي كمان حامل منه! أنا وقتها محاولتش أثور بالعكس ابتسمت ومضيت فورا وهو افتكر إنه كسب الجولة.. مكنش يعرف إن إمضائي ده هو أول خطوة في طريقه للهاوية بقلم مني السيد
أنا نورا وفي الأسبوع ال 31 من حملي عرفت إن الغدر مش دايما بييجي في شكل قلم على الوش ساعات بييجي في شكل دوسيه متدبس ونضيف مع ابتسامة صفراء وكلمتين نصيب.
كان يوم جمعة بعد الضهر في قلب القاهرة الجو كان حر وخنقة لدرجة إن الستاير كانت لازقة في الشباك. حسن جوزي جه بدري عن ميعاده.. متوفرة على روايات و اقتباسات بدري أوي. مباستش إيدي ومسألش البيبي بيتحرك ولا لأ قعد على السفرة كأنه داخل اجتماع شغل.
قال ببرود نورا أنا عاوز نطلق.
بربشت بعيني وأنا ساندة إيدي على بطني بتقول إيه
زق الفولدر ناحيتي وقال ده طلاق ودي كده أحسن للكل.. عشان ننهي الموضوع بشياكة.
بشياكة الكلمة كانت مستفزة لدرجة إنها ضحكتني.
فتحت الفولدر لقيت كل حاجة جاهزة تقسيم العفش النفقة السكن.. الورق اللي بيحاول يقنعك إن اتنين بينفصلوا بكل أدب مش اتنين بيفرقعوا قنبلة في بيتهم. اسمي كان مكتوب في كل حتة ومستني الإمضاء.
سألته ليه دلوقتي وكنت حاسة إن الرد جاي زي الرعد.
وشه اتشنج وقال مبقيناش فاهمين بعض.. وبعدين أنا في واحدة تانية في حياتي.
قالها كأنه بيعتذر إنه طلب أكلة غلط في مطعم!
بصيت في عينه وسألت مين
منطقش ولا فكر ثانية تسنيم.
لثانية افتكرتها زميلة في الشغل أو جارة غريبة بس عقلي استوعب الصدمة.
تسنيم صوتي كان هيقطع. تسنيم صاحبتي متوفرة على روايات و اقتباسات اللي كانت لسه بتعملي السبوع الشهر اللي فات اللي كانت بتحضني وتقولي يا رب أشيل ابنك على إيدي بقلم مني السيد
حسن بص الناحية التانية وقال أيوة.. وهي حامل كمان.
السكوت ساد في الصالة لدرجة إني كنت سامعة صوت زن التلاجة.
حطيت الدوسيه على التربيزة بهدوء مبالغ فيه في الشهر الكام
ارتبك وقال يعني.. في الخامس.
خمس شهور! يعني كان بيدهن لي بطني بزيت الزيتون ويقولي إنتي أجمل ست في عيني وهو نايم معاها في نفس الوقت.. كان بيخطط لمستقبله معاها وإحنا لسه بنبني بيتنا.
تنحنح وقال بصي أنا مش قصدي أوجعك بس ده اللي حصل.. نصيب.
بصيت لوشه.. كان واثق إني هصوت أو هترجاه أو هقع من طولي.
بس في اللحظة دي في حاجة جوايا تكت. بقلم مني السيد
لأني كنت عارفة. مش التفاصيل بس كنت حاسة. موبايله اللي دايما مقلوب سهراته اللي زادت في الجيم فجأة بقى مهتم بحسابات البنك لوحده. والأهم من ده كله إني من أسبوعين لقيت روشتة دكتور نسا في الژبالة..