وقع من على الكرسي ٢
22
بتطلع تجري بفستان فرحها تفتح الباب واول ما بتفتحه بتلم ضحكتها كانت فاكراه مصعب بتتكلم بإستغراب نعم مين حضرتك
_ حضرتك نيروز بلال الدين
نيروز بتهز راسها وملامحها كلها خوف وقلق ليكون مصعب جراله حاجه ايوه مين
_ معانا طلب استدعاء ليكي من النيابه من النيابه
عبير كانت واقفه بكرسيها ورا نيروز واتكلمت بصوت عالي هتخدوها علي فين دي عروسه النهارده ليلتها
نيروز متقلقيش يا امي مش هطول
بياخدو نيروز علي القسم ومصعب اول ما بيعرف بيروح بسرعه
عماد تليفونه بيرن
عماد الو ايه يا مؤمن
مؤمن تعالي معاك قضيه
عماد بإستغراب قضيه ايه انا واخد اجازه معايا فرح النهارده
مؤمن بص معرفش دلوقتي في عروسه دخلت اسمها نيروز ومعاه واحد اسمه مصعب واللي اسمه مصعب ده اتخانق مع الكل وقال هيطلعها بكيفه
عماد اتكلم بسرعه دول تبعي محدش ليه دعوه بيهم مسافه السكه واكون عندك
تامر كان قاعد بيفكر في كلام عماد
فلاش باك
تامر بعصبيه عماد اتكلم بموضوح مين مصعب وفرح ايه العمليه مش نقصاك
عماد استغرب ان تامر ميعرفش بس بدأ يشرحله بص ياسيدي عبير دي تبقي ام مصعب وام مصعب دي تبقي بنت خاله ابوك فهمتني يعني مصعب قريبك
تامر انت متأكد من اللي انت بتقوله
عماد اومال هكون بقول اي كلام وخلاص
تامر تمام اقفل
باااككك
تامر ده ايه اللفه دي هي شكلها كلها عيله معقده
عماد بيوصل القسم وبيدخل مكتبه بسرعه بيلاقي نيروز ومصعب مستنين
مصعب بعصبيه خبط علي المكتب انا عايز افهم محضر ايه اللي اتعمل فيها ده وهي هنا بتعمل ايه
عماد بهدوء اهدي يا مصعب وهنشوف الموضوع ده… تشرب ايه
مصعب بغيظ بقولك ايه متصعبنيش عليك يا عماد قولي قضيه ايه دي اللي تخلي عروسه تيجي بفستان فرحها القسم
عماد بيبص علي الاوراق اللي قدامه وبيتكلم وهو بيبص لنيروز حضرتك اتعرضتي لحد او بمعني تاني اذيتي حد
نيروز عقدت حواجبها لا ابدا
عماد صاحبه المحضر قايله انك بعتي ليها ستات يتهجمو عليها وبسبب كده هي في المستشفي متكسره
اتكلمت نيروز بتوجس مين دي صاحبه المحضر اسمها ايه
عماد مرام سيد عباس
نيروز بتسمع الاسم بتتصدم مش معقول كل ده بتعمله فيا للدرجه دي الحقد ملي قلبها
عماد بهدوء ممكن اعرف ايه اللي عندك
مصعب بعصبيه في ايه ياعماد انت هتصدق العبط ده ولا ايه
عماد انا مقولتش كده يا صاحبي بس عايز اعرف اللي عندها او الشخصية دي معرفتها بيها ازاي
نيروز مرام دي واحده صاحبتي…قصدي كانت صحبتي وانا معرفش اي حاجه عن اللي هي بتقوله انا لا بعت حد يتهجم عليها ولا غيره
عماد اتفضل يا مصعب خد عروستك وانا هقفل المحضر
بيقوم مصعب ومعاه نيروز ويخرجوا من القسم
باسل بغضب ازاي يعني خرجت من القضيه
_ زي ما قولتلك كده ليهم حد وخرجهم من القضيه زي الشعره من العجينه انا بقول انك تبعد عن سكتهم
