كسبت رحلة فاخرة

الجزء الثاني الجنة اللي كانت عڈاب
المنتجع كان كأنه خارج من حلم
فيلات بيضا على البحر، حمامات سباحة مالهاش نهاية، وزجاج واسع يخليك شايف السماء كأنها لوحة.
أول ما وصلنا العاملين وقفوا صف واحد يرحبوا بينا.
مدير المنتجع، أستاذ وليد، أول ما شافني عرفني فورًا.
عينيه اتوسعت شوية لكني هزيت راسي بهدوء
مفيش كلام دلوقتي.
فهم على طول.
وقال بابتسامة رسمية
أهلاً وسهلاً يا أستاذ كريم.
كريم وقف مزهو كأنه هو صاحب المكان.
أنا عايز أحسن فيلا ومفيش كلام عن غرف عادية. وهاتوا شامبانيا كمان.
الحاج محمود ضحك بصوت عالي
كده يا ابني إحنا تعبنا عشان نعيش ملوك.
أنا سكت وآدم مسك إيدي بقوة.
أول يومين كانوا جنة من بره
وچحيم ليا.
هم يرتاحوا وأنا أخدم.
سالي، هاتي واقي الشمس.
سالي، قولي للجرسون يغير الطلب.
سالي، صوّريني عايزة الصورة تبان غالية!
كريم كان بيخليني أعيد الصور كذا مرة.
ركزي شوية مش إحنا في قهوة شعبية.
نرمين كانت بتسخر من لبسي
مدام فاطمة تسأل قدام الناس
هي سالي تعرف تستخدم الشوكة والسکينة ولا لسه؟
أما الحاج محمود
ما كانش بيسيب آدم في حاله.
الولد ده متعلق في أمه زيادة كده هيطلع ضعيف.
آدم كل ما يقرب من حمام السباحة يقف على الطرف.
خاېف.
وأنا كنت بصبر عليه واحدة واحدة.
لكن الحاج محمود؟
كان شايف الصبر ضعف.
في تالت ليلة
اتعشينا في أفخم مطعم في المنتجع.
إضاءة هادية وزجاج والبحر تحتنا بيخبط في الصخور.
نرمين كانت شربت زيادة.
بصتلي وقالت بصوت عالي
ها يا سالي لسه بترسمي؟
قلت بهدوء
أنا رسامة محترفة.
ضحكت بسخرية
اسم دلع للبطالة يعني.
كريم سكت.
الحاج محمود رفع الكاس
ابني دايمًا طموح لكن إنتي يا بنتي دماغك لسه صغيرة.
حسيت الكلمة خبطت جوايا بس ما رديتش.
نرمين صفّرت بإيدها
العصير ده وحش روحي هاتي غيره.
قلت بهدوء
ممكن تطلبيه من الجرسون.
وشها اتغير
إيه؟ هو إنتي فاكرة نفسك ست كبيرة؟ روحي هاتي!
بصّيت لكريم
هتسكت على كده؟
قال وهو متضايق
بلاش دراما يا سالي هاتي العصير وخلاص.
قمت وكل الناس بصالنا.
ووشي مولّع من الإهانة.
في الطريق أستاذ وليد قرب مني وقال بهدوء
كلمة واحدة منك وأنا أخرجهم دلوقتي.
قلت
لسه شوية.
كنت محتاجة كل حاجة تبان
مش ليا بس
للقانون.
رجعت بالعصير
نرمين خدته بصت له
وبعدين
كبّته على الأرض.
وقالت بابتسامة
كده أحسن امسحيه.
كريم ضحك.
بصيت لآدم
كان عينيه مليانة كسرة.
بالليل وهو بينام سألني
ماما بابا ليه بيسيبهم يعاملوكي كده؟
ما