تقبلي تكوني زوجتي التانية

_تقبلى تكونى زوجتى التانيه
… افندم🤨🤨🤨
_تقبلى تكونى زوجتى التانيه
… بصتله بمعنى (انت اهبل)… وبعدين قامت ومشيت وسابته……….
(اسمى سما محمد.. عندى 21سنه… سنه تالته كلية تمريض… انا عاديه مش حلوة اوى بس عاديه عينى سودا.. شعرى اسود طويل… لابسه نظارة 🤓🤓… مش طويله ولا قصيرة… مليش حد.. حرفيا مقطوعه من شجرة)
… كنت قاعده فى الكافيه المعتاد وبذاكر لقيت الى جاى يقولى الكلمتين دول….. لا منا عندى امتحانات والمرارة واحده والله🙄🙄
مشيت وسيبته طبعا وانا مخنوقه وروحت على الشقه الى مأجراها جنب الكليه….
الحجه فاطمه: بت يا سما خدى يابت
سما: خير يا نانا
الحجه فاطمه: تعالى يابت انا عامله شويه ورق عنب يستهلو بقك
سما: ايه دا بجد…. فوريره هغير هدومي واجى على طول
(الحجه فاطمه دى بقى الحاجه الحلوة الى فى العمارة دى.. زى ما بيقولو كدا الخير والبركه… ساكنه فى الشقه الى تحتى.. بحبها اوى وبعتبرها زى جدتى بالظبط وهى بأمانه بتعاملنى زى حفيدتها تماما ودايما بتزغطنى زى البطه😂😂😂)
سما: الله عليكى يا بطه ايه الحلاوه دى
الحجه فاطمه: كلى يابت كلى كدا واتغذى
سما: حرام عليكى يا نانا انا تخنت شوفى بقيت عامله ازاى
الحجه فاطمه: يابت انتى بتتعبى كلى كدا ورمى عضمك محدش واخد منها حاجه
سما: على رأيك…… هاتى بقى صابع المحشى الى هناك دا
الحجه فاطمه: خدى يابت خدى
(جالكم كلامى 😂😂😂)
…….. فى المساء….
سما: اقوم انا بقى
الحجه فاطمه: ماانتى قاعده يابنتى
سما: لا كفايه كدا علشان اطلع اذاكر شويه… وكمان علشان تنامى
الحجه فاطمه: ربنا معاكى يابنتى …… بقولك جايبالك عريس
سما: ااااااه بقى كدا علشان كدا كان فى محشى وورق عنب كمان
الحجه فاطمه: يابنتى انا عايزة اطمن عليكى اسمعى كلامى وشوفيه وكمان انتى محتاجه حد معاكى ويصرف عليكى بدل مرمطة الشغل مع الكليه دى
سما: يعنى هتجوز علشان يصرف عليا…… لا شكرا
الحجه فاطمه: يابت دا الواد قمر
سما: ولو ولو
الحجه فاطمه: يابت
سما: تؤتؤ….. يلا يا بطه تصبحى على خير… سلااااام
الحجه فاطمه: خدى يابت…… هربت…… مش هسيبك وهتشوفيه يابنت محمد……
……..فى مكان اخر
…..ايه الى خلاك تعمل كدا انت اتجننت
_تعبت..تعبت يا سليم تعبت
سليم:حاسس بيك يا صحبى بس مش من العقل انك تروح لواحده قاعده فى كافيه وتقولها تتجوزينى لا وكمان حضرتك صريح قوى وقولتلها زوجه تانيه….انت فى فعقلك حاجه
_خلاص بقى يا سليم الى حصل حصل
سليم:روح يا آسر روح وارتاح
آسر:هاه ومين قال انى هرتاح لما اروح…..انا همشى سلام
سليم:طب هتروح فين طيب
آسر:اى حته مش مهم
(اسمى آسر العزمى…مهندس معمارى والحمد لله ربنا بيرزقنى كويس جدا….عندى 27سنه…عينى عسلى…شعرى بنى….طويل يعنى طولى كويس وجسمى عادى يعنى لا تخين ولارفيع حلو…..متجوز من سنتين من حب حياتى ريناد او الى كنت فاكرها حب حياتى😔😔)…….
ريناد:كنت فين؟
آسر:…….
ريناد:بقولك كنت فين يا آسر؟
آسر:ريناد انا تعبان وعايز انام
ريناد:لا والله
آسر:اه…..بقولك هاتيلى اكل بسرعه جعان اوى
ريناد:معملتش اكل
آسر:ليه ان شاءالله
ريناد:روحت اعمل شوبينج مع صحابى وجيت متأخر اعمل ايه يعنى
آسر:لا ولا حاجه….متعمليش حاجه……انا داخل انام
ريناد:انا عايزة فلوس
آسر:انتى ايه حرام عليكى كل شويه فلوس فلوس مبتزهقيش
ريناد:الله مهى بتخلص
آسر:انتى مش لسه واخده منى خمس تلاف الصبح
ريناد:خلصو
آسر:خلصو……خلصو ازاى
ريناد: منا روحت شوبينج وخلصو
آسر: اه صح شوبينج…… مادا كل الى بقى همك صح الشوبينج والفلوس والخروجات انما انا اولع صح
ريناد: متزعقش
آسر: مزعقش هاه……
ريناد: بص انا مليش دعوة انا عايزة فلوس
آسر: يابرودك يا شيخه……. انا تعبت وقرفت خلاص انتى ايه مبتحسيش معندكيش من الاحمر
ريناد: لا عندى يا قلبى
آسر: انا هخش انام بدل مرتكب جنايه
ريناد: طب والفلوس
آسر بزعيق: مفيش زفت
ريناد:ماشى يا آسر يا انا يا انت
………تانى يوم …….
سما:بطه يا بطه انا ماشيه
الحجه فاطمه:ربنا معاكى يابنتى خلى بالك من نفسك
سما:حاااااضر 🥰🥰🥰
سما راحت الكليه وخلصت يومها وراحت على الكافيه……
…احم ممكن اقعد معاكى
سما بنظرة استغراب:هو حضرتك تعرفنى
..لا بس حابب اتعرف عليكى
سما:ااااه لا شكرا مليش فيه…..سلام…
نهضت واخذت اغراضها ورحلت….
سما:نام ياعقلى بقى
عقلها:ياترى اسمه ايه
سما:انا مال امى انا…..عندى شغل بكرا الله يحــ,,ـــــرقك
عقلها:بس شكله محترم اوى
القلب:ايه يا عقلو احنا هنخش على شغل بعض ولا ايه
العقل:اصل شكله هيييييح
القلب:اصحى ياعقلو يالهوى…..
سما:هههههههه اول مرة تحب ياعقلى ههههههه
العقل:بطلى ضحك
سما:طب نام يااخويا
القلب:بس ايه رأيك ياعقلو عينه كانت حلوة صح
العقل:اه اوى باين انهم كانو عسلى
القلب:اه عسلى اوى ❤❤
سما:دول اتفقو😳😳😳😲😲😲
العقل والقلب:هيييييح
سما:نااااااااموووووو
……….بعد اسبوع……….
آسر:بس بقى كفايه
ريناد:لا مش كفايه انا عايزة شاليه فى الساحل
آسر:هو احنا مش عندنا واحد فى السخنه
ريناد:مليش دعوة انا عايزه واحد فى الساحل
آسر:مش هينفع واهدى بقى مش اى حاجه صحابك يعملوها تعوزى زيها
ريناد:وانا مش اقل منهم
آسر:محدش قال انك اقل منهم بس كل واحد ومقدرته
ريناد:ماانت معاك
آسر:بس ميكفيش وكمان ليه التبذير مااحنا عندنا ربنا هيحاسبنا على دا
ريناد:مليش دعوة انا عايزة شاليه فى الساحل
آسر:انا تعبت…….خليكى كدا تنكدى عليا وتقرفينى لحد ما هروح اتجوز عليكى
ريناد باستهزاء:مش هتقدر ياعوووووومرى
آسر:هتشوفى يا قلبى
………… ثم ذهب وتركها…………
……. بعد شهر…..
سما راحت للحجه فاطمه ومعاها طبق بسبوسه🤤🤤🤤
سما:يا بطه يا بطه افتحى بسرعه
الحجه فاطمه:ايه يابت الدوشه دى فى ايه
سما:طبق بسبوسه انما ايه يستاهل بوقك
الحجه فاطمه:ههههه طب خشى خشى
سما:دوقى بقى وق…….ايه دا هو انت……انت بتعمل ايه هنا
الحجه فاطمه:اهدى يا بنتى واقعدى
سما:مين دا يانانا
…اسمحيلى انا يا حجه فاطمه…
اسمى آسر العزمى…..27سنه….مهندس معمارى…الحمد لله بصلى وحافظ القرآن…..ربنا بيرزقنى كويس الحمد لله
سما:ايه يا عم حيلك حيلك انا مالى انا
آسر:مش انتى الى سألتى
سما:نانا انا همشى
الحجه فاطمه:اقعدى واتلمى شويه
سما بغيظ:حاضر
آسر:ايه رأيك فى الى قولته ياحجه
الحجه فاطمه:والله يا ابنى العروسه اهى الرأى رأيها
سما:ثانيه واحده عروسه مين