ليلة العروس
انا مش متجوز عيلة صغيرة افتحي الباب بقولك
ردت من ورا الباب: لأ مش هفتح
كريم بنفاذ صبر: افتحي يابنت الحلال ربنا يهديكي.. دي ليلة الدخلة ومش هينفع انام على الكنبه من اول ليلة كده!
ردت بعياط: لأ.. ومتتكلمش معايا تااني وملكش دعوة بيا.
كريم بضيق: هو انا متجوزك عشان مكلمكيش ومليش دعوه بيكي!! طب افتحي الباب ونتفاهم.
ايمان بعياط اكتر: لا مش فاتحه ولو سمحت خليك بره ونام في اي حته عندك.
كريم جاب أخره: طب افتحي هاخد هدوم ليا من عندك وهنام في اوضه الاطفال عشان ترتاحي ياستي بس افتحي.
ايمان بخوف: طيب انا هفتح بس عشان خاطري متقربليش ياكريم.
كريم قلبه دق اوي لما سمع اسمه منها بس مستغرب من خوفها منه!
خرج من تفكيره ورد بصوت حنون: ماشي يا ايمان افتحي وانا مش هاجي جنبك والله
حنية صوته اداها الامان وفتحت بهدوء وبعدت عن طريقه عشان يدخل.
بصلها بعتاب وزعل: ليه كده؟ في عروسة تعمل كده في عريسها اول ليلة ليهم مع بعض ؟
ايمان وهي بتمسح دموعها بطفوليه: ليه ايه؟ انا معملتش حاجة.. انت اللي عملت.
كريم ابتسم: هو انا لسه عملت حاجة ولا جيت جنبك اصلا ده احنا لسه داخلين البيت ..تقومي تجري مني كده!
ايمان بخجل من تصرفها بصت في الارض: انا اسفه
كريم رفع وشها بحنان: بوصيلي
ايمان بصت في عنيه وبتحاول عنيها متنزلش تحت عشان تعابير وشها متبنش ليه بس صدمها سؤاله.
ايمان انتي مغصوبه علي جوازك مني؟
ايمان ردت بصوتها الرقيق: لا بس انا خايفه منك عشان عمي سالم كان دايما بيقول ان انت عصبي وبتزعقلهم في الشغل.
ضحك بهدوء وقال بحنان: بس في الشغل انا بتعصب وبزعق عشان هما موظفين عندي وانا صاحب الشركة ولازم أعمل كده عشان يشتغلوا كويس.. لكن انتي حاجة تانيه.. انتي مراتي.
ايمان بخوف حقيقي : يعني انت بجد مش هتزعقلي وتتعصب عليا؟
كريم اتصدم من خوفها الكبير منه…….
الجزء الثاني
مكالمة عمه سالم خلت ملامح كريم تتغير تماما
صوته بقى جاد اكتر وهو بيرد
ايوه يا عمي
الطرف التاني كان بيتكلم بسرعة
وكريم سكت وهو بيسمع بس
وبعدين قال بهدوء
ماشي فاهمك… حاضر هتصرف
قفل المكالمة وبص لايمان اللي كانت واقفة بتراقبه بخوف
