انتي ولا حاجة من غيري

ساعتها رفضت تسمع رفضت تدخل في دنيا فلوس وسلطة وقرارات لكن بعد موت أبوها كل حاجة اتقلبت وهي اللي اضطرت تمسك الخيط من غير ما حد يحس

رجعت للحاضر وهي بتسوق والعربية داخلة على بوابة مبنى ضخم في قلب المدينة مبنى الشركة الرئيسي

الأمن أول ما شاف العربية فتح البوابات فوراً كأنهم مستنينها من زمان

نزلت مريم بهدوء ودخلت من غير كلمة واحدة كل خطوة كانت بتهز الأرض تحتها

جوا المبنى كان فيه حالة ارتباك الموظفين بيجروا المكاتب بتتقفل الشاشات بتاعت البورصة بتولع بالأحمر وكل حاجة بتنهار بسرعة غير طبيعية

أول ما وصلت الطابق الأخير السكرتيرة قامت مرعوبة وقالت مدام مريم كلهم في اجتماع طارئ دلوقتي

مريم قالت افتحي الباب

دخلت القاعة فجأة

كل الرؤساء التنفيذيين قاعدين حوالين ترابيزة طويلة ولما شافوها سكتوا لحظة كأن الزمن وقف

أحمد كان موجود هناك جاي من الفيلا على أقصى سرعة وشك متغير لأول مرة في حياته باين عليه الخوف الحقيقي مش الغضب

قام وقال انتي ايه اللي جابك هنا انتي فاكرة نفسك هتلعبي علينا بالشوية فلوس اللي معاكي

مريم بصت له بهدوء مرعب وقالت فلوس ايه

قعدت على الكرسي الكبير في أول الترابيزة وفتحت ملف كان معاه مساعدها

وقالت بصوت ثابت كل اللي بيحصل دلوقتي مش لعبة ولا انتقام ده تصحيح وضع

أحمد ضرب على الترابيزة وقال انتي مش مالكة حاجة انتي مجرد مراتي

ساعتها مريم ابتسمت ابتسامة صغيرة وقالت كنت

وبعدها حطت قدامهم ورق تقيل مليان أختام وتوقيعات وقالت بصوت واضح من النهاردة مجموعة روبيس القابضة بالكامل تحت الإدارة القانونية الجديدة بناء على الوصية الموثقة من مؤسس المجموعة

الحاجة نادية دخلت القاعة فجأة وهي بتنهج وقالت انتي بتقولي ايه انتي بتسرقي جوزك

مريم بصت لها وقالت انا عمري ما سرقت حاجة أنا بس رجعت الحاجة لمكانها

أحمد مسك الورق بإيده وبدأ يقلب فيه بسرعة ووشه بيتحول لصدمة كل صفحة كانت بتثبت حاجة أسوأ من اللي قبلها ملكيات حسابات أصول عقود شراكة اسمها موجود في كل حاجة بشكل رسمي

بص لها وقال بصوت مكسور انتي كنتي عايشة معانا ليه كل السنين دي

مريم سكتت لحظة وقالت كنت عايزة أشوفك على حقيقتك

القاعة كلها اتجمدت

بنت عمه قالت يعني ايه يعني كل ده كان لعبة

مريم ردت بهدوء لا مش لعبة كان اختبار وانتم رسبتوا فيه من أول يوم