اول مالباب الزجاجي اتفتح
منى دخلت الصبح وهي شايلة قلبها قبل ما تكون شايلة رجلها
حاسة إن في حاجة مش طبيعية
نيرمين واقفة مستنياها قدام الكاونتر ووشها مش مريح خالص
نيرمين بصت للموبايل وبعدين رفعت عينها
تعالي يا منى عايزاكي في كلمة
منى قربت بهدوء
خير في ايه
نيرمين ابتسمت ابتسامة باردة
النهارده في شكوى جاية عليكي
منى اتجمدت مكانها
شكوى من مين و على ايه
نيرمين بصت ناحية الكاميرات
من عميل امبارح بيقول إن محفظته اتسرقت بعد ما انتي خرجتي معاه برا
الدنيا سكتت في دماغ منى لحظة
كريم
الراجل اللي كانت بتدور معاه في الشارع
منى ردت بسرعة
ده كدب انا كنت بدور معاه على المحفظة ولما لقيناها رجعناها له
نيرمين رفعت كتفها
مش مشكلتي
المشكلة إن الإدارة هتفتح تحقيق
في اللحظة دي كريم دخل المحل تاني
بس المرة دي كان شكله مختلف
هدوءه فيه ثقل غريب
نيرمين أول ما شافته ابتسمت بسرعة
اهلا يا فندم حضرتك اللي حصل معاك امبارح
كريم بص لها لحظة وبعدين بص لمنى
انا اللي حصل معايا امبارح كان درس مش سرقة
نيرمين اتلخبطت
يعني ايه
كريم تجاهلها وكمل وهو بص لمنى
انتي كنتي معايا طول الوقت وانا اللي كنت بدور على نفسي مش محفظتي
منى فهمت إنه عايز يحميها بس مش فاهمة هو ليه
نيرمين ضحكت
حضرتك بتدافع عنها ليه هي كانت معاك في الشارع لوحدكم
كريم سكت لحظة وبعدين قال بهدوء
انا السبب في خروجها معايا
نيرمين ضيقت عينيها
حضرتك موظف ولا ايه
كريم بص لها نظرة تقيلة
انا صاحب المكان ده
الصمت وقع زي حجر في المحل
حتى منى رفعت راسها ببطء
نيرمين ضحكت
حضرتك بتهزر صح
كريم ما ردش
طلع بطاقة من جيبه وحطها على الكاونتر
نفس الاسم اللي على كل الفواتير والشهادات اللي في المحل
نيرمين وشها اتبدل في ثانية
كريم كمل
امبارح دخلت هنا علشان اشوف موظفيني بيعاملوا الناس ازاي
وشفت كل حاجة
بص لمنى
وانتي كنتي الوحيدة اللي اشتغلت بقلب مش بفلوس
منى لسه مش مستوعبة
نيرمين حاولت تتكلم
بس يا فندم انا كنت بهزر معاه عادي
كريم قاطعها
الكاميرات شغالة
بص للمدير الفني اللي دخل فجأة
هات التسجيل
اتفتح الفيديو قدام الكل
نيرمين وهي بتسخر
وهي بتقلل من منى
وهي بتتهم الراجل انه نصاب
كل حاجة واضحة
وش نيرمين اتسحب
كريم قال بصوت ثابت
من النهارده انتي مش في المكان ده تاني
نيرمين اتلخبطت
حضرتك مش هتصدقها عليا انا بشتغل هنا بقالى سنين
