رغبة انتقام
شريف… عملت ايه في المقابلة بتاعت النهاردة
عاصي… مضينا العقود و كلو تمام يابابا
شويه وياسين وليلي دخلو
قربو سلمو عليهم
ولسه ليلي هتقعد ياسين اللي لسه واقف جمبها بصلها وبصوت واطي قالها … اطلعي فوق
ليلي باستغراب.. ليه
ياسين…. سمعتي يلا
ليلي فهمت انو مش عاوزها تقعد في قعدة عاصي
وراحت طلعت علطول
شادية بصت علي ليلي اللي طلعت بهدوء وقالت… هي ليلي طلعت ليه احنا مش هنتعشا مع بعض
ياسين… ابقي ابعتي العشا فوق ياماما
وباسها علي راسها وراح يطلع هو كمان وهو بيقول… تصبحو علي خير
……………
تاني يوم
رنا راحت ل عاصي الشركة
عاصي اول ما شافها مسح علي وشه بغضب وقبل مايتكلم
قربت رنا عليه وقالت.. لو محليتش المصيبة اللي انا فيها دلوقتي. اقسم بالله هطلع علي مكتب باباك اللي جمبك ده وهقولة اني حامل في حفيده وعليا وعلي اعدائي
عاصي وهو بيحاول يهدي نفسه مسكها من ايدها وقال… تعالي الرواية بتنزل حصري عي صفحتي فريدة احمد قبل اي مكان
رنا… انت واخدني علي فين
عاصي… مش عاوزة تحلي المصيبة. انا هحلهالك
ونزل بيها من الشركة وزقها في العربية وطلع علي المستشفى
رنا… ممكن تفهمني انت موديني علي فين
عاصي مردش وهو سايق بغضب
بعد وقت قليل وقف قدام المستشفى ولف الناحية التانية فتح العربية وشدها من ايدها
رنا برعب… انت جايبني هنا ليه
عاصي… خايفة من ايه هاطمن علي البيبي بس.يلا
وخدها وطلع المستشفى
يتبع….
