رغبة انتقام

دخل عاصي شركة والد كاميليا ودخل مكتبه بعد ما السكرتيرة اذنت ليه بالدخول اللي بمجرد ماقالت ل والد كاميليا ان عاصي الوزان منتظره بره قالها دخليه فورا

وبمجرد ما دخل عاصي قام والد كاميليا استقبله استقبال حار وهو بيقول…. اهلا اهلا عاصي باشا. دي الشركة نورت

سلم عاصي عليه وهو بيقول.. منورة بوجودك يا مختار بيه

وبعد السلامـ,,ــات اخد عاصي نفس وقال.. احم. انا كنت جاي لحضرتك بخصوص كاميليا

مختار بمجرد ماسمع اسمها انتبه ليه بتركيز وهو بيقول.. مالها. انت تعرف اي اخبار عنها

عاصي قال… انا اعرف مكانها

قام مختار من علي كرسي مكتبه وهو بيقرب عليه وبيقول بلهفة…بنت ال**** هي فين. فين بنتي. فين ياعاصي

قام عاصي هو كمان وقال… ممكن بس حضرتك تسمعني الاول و

قاطعه مختار وقال… بنتي فين

عاصي.. اهدي لو سمحت. واسمعني وبعدين هقولك هي فين

وبعد محاولات كتير من عاصي قدر يقنع ابوها ويهديه من ناحيتها

عاصي… عارف ان ماليش اتدخل.. بس ياريت بلاش تسلمها ل حسام. بلاش. هي غلطت بس عملت كده علشان حضرتك غصبتها

مختار بندم … انا فعلا مدتهاش حرية الاختيار. انا مش بتمني دلوقتي غير انها ترجع لحــ,,ـــــضني. هي فين ياعاصي.

عاصي…. هي معايا برا

مختار وهو مش مصدق.. انت بتتكلم بجد.

عاصي.. ايوا.

وفتح باب المكتب ودخلها

دخلت بتوتر وهي خايفة ومرعوبة من ابوها لكن اتفاجأت لما ابوها قرب وحــ,,ـــــضنها باشتياق وهو بيقول… وحشتيني وحشتيني اوي ياحبيبتي

كانت مستغربة جدا مقابلة باباها. مكانتش متخيله رد فعلو ده ابدا،، بصت ل عاصي باستفهام

لكن عاصي بص ل مختار وـ,,ــــفاجاها لما قال… انا طالب ايد كاميليا ياعمي

كاميليا اتصدمت وهي بتبصلة بزهول

غمزلها عاصي ورجع بص ل مختار وقال… ها موافق ياعمي

مختار…انا عمري ماهلاقي زيك لبنتي ولا نسب يشرف زي عليتكم بس.. بس حسام اكيد مش هيسكت

عاصي…حسام ده سيبه عليا.وانا متاكد انو مش هيقدر يقف قصادي.ولو حب.يبقي يوريني شجاعته

كاميليا مكانتش مصدقة اللي بيتقال وان عاصي طلبها للجواز. طول عمرها بتحبه وبتتمناه ده كان حلمها الوحيد اللي كانت متاكده انو مستحيل يحصل في يوم من الايام

لان كانت عارفة قد ايه عاصي وليلي بيحبو بعض

مكانتش تتوقع ان الحب ده يتبخر كده وان عاصي حلم حياتها هيكون ليها هي في الاخر

عاصي قال… لو حضرتك موافق انا هجيب اهلي بالليل واتقدملها رسمي

مختار… طبعا موافق. علي خيرة الله

وبالفعل عاصي واهله راحو اتقدمو ليها واتفقو علي الفرح بعد شهر لان ياسين كان مسافر بيخلص شغل بره واستنوه يرجع وكانو كلهم مبسوطين بجواز عاصي

……….

عند

ليلي كانت واقفة قدام البحر في مكان هادي تحت ضوء القمر وهي حزينة جدا

حطت ايدها وبدات تحركها بهدوء علي بطنها

فجاة سمعت صوته من وراها وهو بيحط ايده عليها وبيقول وحشتيني

لفت ليه بلهفة وهي مش مصدقة لانه كان بقالو شهر مسافر

ليلي بدون اي مقدمـ,,ــات حاوطت رقبته وحــ,,ـــــضنته باشتياق وهي بتقول… انت كمان وحشتني. وحشتني اوووي

برغم انها مانتبهتش لما هو قال وحشتيني او انو قالهالها ك حبيبته

كانت بتحــ,,ـــــضنه باشتياق وهي مش قادرة تبعد عنه لكن لما انتبهت لنفسها بعدت بحرج وقالت.. احم. اسفة

لكن ياسين شدها لحــ,,ـــــضنه تاني وضمها ليه وقال… اوعي تبعدي عن حــ,,ـــــضني تاني ياليلي

وهو بيضمها ليه جامد بعـ,,ــــشق

رفعت ليلي وشها ليه وهي في حــ,,ـــــضنه وبصتله بدون فهم

ياسين قال… معرفتش اعيش من غيرك

ابتسمت ليلي وهي مش مصدقة وقالت… يعني هنرجع

ياسين …. مش هقدر اكمل من غيرك ياليلي.. انا بتنفسك. انتي بتجري في دمي.

ومسك ايدها وباسها

ابتسم وقال.. بحبك ياليلي

ليلي ابتسمت بدموع وهي بتحاول تستوعب

ياسين بدا يحرك ايده علي خدها بحب وهو بيقول… بعـ,,ــــشقك

رفعت ايدها وحاوطت رقبته بفرحة وقالت… انا بحبك اوي.. انت اغلي حاجة في حياتي

ياسين… وانتي كل حياتي ياليلي.

ليلي…اوعدني انك مش هتبعد عني ابدا

ياسين…انا اللي مش هسيبك تبعدي. مفيش بعد تاني ابدا. عمري ماهسيبك هتفضلي في قلبي وفي حــ,,ـــــضني دايما

ليلي ابتسمت بسعادة ورفعت وشها من حــ,,ـــــضنه وقالت بحب… في مفاجأة.

مسكت ايده وحطتها علي بطنها وقالت… انا حامل. حامل ياياسين

ياسين بفرحة… بتتكلمي بجد

ليلي هزت راسها.. بجد.. في حته منك هنا

وهي بتحط ايدها علي بطنها

ياسين ضمها ليه بحب وقال… دا احلا خبر سمعته. بعـ,,ــــشقك ياليلي

‏كنت أعتقد أني أحبك فقط ولكن اكتشفت أني اعـ,,ــــشقك أني أتنفسك لدرجة أنني لا أستطيع بدونك أن أتنفس فأنتي الهواء الذي بدونه أفقد

تمت..