طردها من الشركة

قعدت على الرصيف اللي قدام الشركة وفتحت موبايلها وفتحت الكاميرا وصورت فيديو وهي بتعيط ومنهارة وقالت انا شمس كنت شغالة في شركة كذا والمدير بتاعها طردني قدام كل الناس عشان اتأخرت خمس دقايق بس خمس دقايق بعد سنة ونص شغل وتعب وسهر عشان الشركة دي وفي الآخر اتهانت قدام زمايلي كأني حرامية انا مش طالبة حاجة غير ان الناس تعرف ان مفيش حد من حقه يهين حد كده مهما كان منصبه

نزلت الفيديو على فيسبوك وعملت منشن لحبيبة وسما وروحت بيتها وهي بتعيط وحبيبة كلمتها وقالت لها متزعليش يا شمس حقك هيرجع

اللي حصل بعد كده كان خيال الفيديو انتشر بطريقة مجنونة في ساعات قليلة كل الناس بقت بتعمله شير وبتكتب كومنتات بتشتم في الشركة وفي يحيى وبتدافع عن شمس وبنات كتير حكوا قصص شبهها والموضوع وصل لصفحات كبيرة وبرامج توك شو وحملة مقاطعة للشركة بدأت والعملاء بقوا يلغوا تعاقداتهم واحد ورا التاني والشركة خسرت في يومين بس أكتر من نص مليون جنيه

موسى دخل على يحيى المكتب وهو مخضوض وقال له انت عملت ايه يا يحيى الدنيا مقلوبة برا بسبب فيديو البنت اللي انت طردتها الشركة بتغرق وانت السبب لازم تتصرف بسرعة يحيى مكنش مصدق اللي بيحصل فتح فيسبوك وشاف الفيديو اللي جايب اتنين مليون مشاهدة وشاف كمية الشتايم اللي عليه وحس انه اتورط بجد وكلم الإدارة في دبي والإدارة قالت له لازم ترجع البنت دي حالا وتعتذر لها قدام الناس كلها وإلا انت اللي هتمشي

يحيى كلم سما وقال لها كلمي شمس خليها تيجي بكرا الشركة وهنحل الموضوع سما كلمت شمس اللي كانت لسه بتعيط في بيتها وقالت لها تعالي بكرا يحيى عايز يعتذر لك قدام الشركة كلها ويرجعك شمس في الأول رفضت وقالت مش راجعة المكان اللي اتهانت فيه بس حبيبة قالت لها يا بنتي دي فرصة تاخدي حقك قدام كل الناس اللي شافوكي وانتي بتتهاني روحي وخليكي قوية

تاني يوم الصبح شمس لبست أحلى لبس عندها وحطت ميكب خفيف وراحت الشركة وهي رافعة راسها ودخلت لقت كل الناس واقفة مستنياها ويحيى واقف في نفس المكان اللي طردها فيه بس المرة دي وشه في الأرض ومكسوف وقال بصوت واطي يا جماعة انا جمعتكم النهاردة عشان اعتذر لشمس قدامكم كلها اللي حصل مني كان غلط كبير وانا اتصرفت بطريقة غير محترفة وغير إنسانية وضغط الشغل خلاني أفقد أعصابي وأهين زميلة مجتهدة زي شمس وانا آسف بجد يا شمس وأتمنى تسامحيني وترجعي مكانك تاني والشركة محتاجاكي