وردتي السمراء
بس مكان ما قعد ايمن قعدت نورين جنبه وهي بتبادلة نظرات مليانة عطف و شفقه
استغربت سحر و اتعصبت انها قعدت جنب ايمن مش جنب جوزها و كانت هتتكلم بس سيف همسلها : سيبيها على راحتها لحد ما تتعود
سكتت سحر و عبدالملك نظراته كلها عليها و على أسلوبها اللطيف مع اخوه
كان ايمن مبيعرفش ياكل لوحده لازم حد يساعده في الاكل
رفعت نورين ايديها و أكلته بيها وهي مبتسمة
ابتسم ايمن : شكرا
– على ايه ده واجبي
فضلت تأكله و تشربه و عبدالملك متغاظ من أسلوبها و خلاص فاض بيه قام و ضرب على السفرة : كفااااايه
اتخضت ووقع الاكل من ايديها
مشي عبدالملك ناحيتها و مسكها من دراعها جامد : قولت كفااااايه
– انت مالك ايه حشرك بيني و بين جوزي .. اوعى سيب ايدي يا حيوووو”ان ………
يتبع…
رواية وردتي السوداء الحلقة الرابعة
بصلها عبدالملك بعدم فهم و بعدها استوعب أنها فاكرة ايمن جوزها و فضل باصصلها شويه لحد ما سمع صوت يوسف
– نورين بس ايمن ….
عبدالملك بسرعة وهو بيبرق ليوسف : ايمن اييييه اقعد مكانك
قعد يوسف
قرب عليها اكتر : لولا أنك مرات اخويا كنت عاقبتك على كلمة حيوا”ن دي ، بس ملحوقة ليكي روقه
بصتله بقرف : الروقه دي تخليها لمراتك
شدت ايديها و جريت على أوضتها
بص سيف لأمة و ايمن بصلهم بعدم فهم
ضحكت سحر : جابت الأذى لنفسها
ايمن : بس هي .. مرات..مراته هو ليه قال كده
سحر بخبث : ملناش دعوة يا حبيبي تعالى يلا أما تلبس عشان نروح للدكتور
فضلت نورين قاعدة في اوضتها طول اليوم من غير تليفون أو حتى حاجه تسليها لحد ما زهقت و قررت تنزل تتمشى
لبست فستان و كوتش و حجابها و خرجت كان البيت هادي و جنينه البيت فاضيه
خرجت قعدت فيها و فجأة حست بحاجه بتتحرك وراها اتخضت و قامت وقفت : مين
صوت الحركة زاد خافت اكتر و رجعت لورا لحد ما خبطت في عبدالملك اللي كان وراها و صوتت
– اسكتي انتي مجنو.نة
هي بخوف وهي ماسكة في دراعه : في حاجه بتتحرك هناك
فجأة طلع ارنب من ورا الزرع و جري
رجعت مكانها و بعدت عنه : انا اسفة
مردش عليها و راح قعد على كرسي في الجنينه
– د انت غتت بصحيح و انا غلطانة اني اتأسفتلك
قام و بكل عصبيه رزعها في الحيطة : اي كلمة زيادة هتطلع هتندمي عليها
هي بعصبية : انت فاكر نفسك مين عشان …..
زقته و بصتله وهي في عيونها دموع : انت اكيد مجنون انا مرات اخو…
قبل ما تكمل الجملة : تحبي تتكلمي تاني ؟
سابته و طلعت تجري على اوضتها و قفلت على نفسها بالمفتاح و فضلت تعيط
قعد عبدالملك و حط رجل على رجل
عدى يومين و نورين مانعة نفسها انها تخرج من اوضتها و كل ما حد يخبط عليها ترد ب ان معدتها واجعاها لحد ما فجأة لقيت الباب بيتفتح
كانت بشعرها و لابسة بيجامة و اول ما شافت الباب بيتفتح اتغطت بالبطانيه: مين ؟
مفيش حد رد
– مين ؟
رفعت البطانية وهي بتتنهد : اوف
بس لقيته قاعد قدامها قامت رفعت البطانيه عليها تاني : اطلع برا قبل ما اصوت و المهم كلهم عليك و اقولهم على اللي عملته في مرات اخوك
– اه مرات اخويا صح .. معلش يا مرات اخويا اصلي كنت متقل شويه في الشرب و اخويا بيقولك أنه عايز يفسحك و تشوفي سينا
مش عايزة اروح في حته و اطلع برا
– خمس دقايق تكوني لابسة و نازلة تحت بدل ما اطلع الب.سك انا
قام و خرج وهي شالت البطانيه و صوتت : عبيط ده ولا ايه يلبس مين و فين أهله ازاي سايبينه كده واحد منحر”ف
لبست بسرعة قبل ما يطلع تاني و قررت انها خلاص لازم تقول لجوزها على اللي اخوه بيعمله
فتحت الباب و نزلت لقيتهم كلهم قاعدين و عبدالملك مستنيها
راحت ناحيه ايمن و قعدت جنبه الشئ اللي خلاه يتوتر
– هو ممكن اتكلم معاك شويه ؟
ايمن : انا
عبدالملك: مفيش كلام دلوقتي احنا هنخرج يلا ورايا
– انت بتأمر مين كده و انت مين اصلا
سيف بصوت خافت : استر يارب استرر
قرب منها و بصلها بتحدي : هتيجي ولا تحبي اعمل زي ما عملت من يومين
برقت و فضلت تبصلهم بخوف و توتر : ها… هاجي
مشيت وراه و ايمن و سيف معاهم
فضلت تتفرج على سينا اللي بهرتها بجمالها الطبيعي و الناس هناك و بساطتهم
سيف : تحبي اجيبلك حاجه تشربيها
– لا شكرا مش عايزة
عبدالملك: خد ايمن معاك و خليكم شويه في الكافيه لحد ما اجي
برقت و حاولت تنزل بس كان قفل الباب عليها و طلع بالعربية لحد مكان فاضي كله جبال
– انت ازاي أهلك يسمحولك تتعامل كده مع مرات اخوك معقول ؟
هو ايه المعقول ؟
– معقول مشوفتش تربية للدرجه دي
قرب عليها بكل عصبية لحد ما جربت منه ووقعت على اول الجبل
فضلت تعيط وهي بتبصله : انت حقيقي انسان ..
يتبع…
رواية وردتي السوداء الحلقة الخامسة
فضل باصصلها لحد ما انفجر من الضحك : اوعي تكوني صدقتي
فضلت ساكته مبتتكلمش بتعيط بس على أسلوبه معاها و طريقته : انت مين ادالك الحق تعمل كده او تقرب عليا و تلمسني
بصلها بجديه و حزم : اللي اداكي الحق انك تفضلي في بيت شخص غريب عنك
– انا بحب ماجد … و امي و امك سلبو ده مني أنه كان هيتقدملي و هعيش مع الشخص اللي بحبه مش مع واحد تاني مبحبوش و كمان محتاج رعاية كبيرة .. انتو نهيتو حياتي و مستقبلي
حس بالغيرة من كلامها و مسح وشه : ايامي اسمعك بتقولي بحب دي تاني انتي متجوزة
– متجوزة ؟
متجوزة من شخص معا.ق ؟
و اخوه بيتحر”ش بيا و أمة بتعاملني بمنتهى القسوة
ده جواز ؟
انا معملتش حاجه غلط ولا حتى ماجد لمس ايدي ولا شعره مني انا بس كنت بتمنى حياة طبيعيه هاديه مش حياة كلها معاصي
– كفايه كلام اهبل و اركبي العربية
حطت ايديها على شعرها و عيطت : فين حجابي
شافه عبدالملك طاير بعيد راح جابه و قرب منها حطه على شعرها : انا اسف
بصتله بحزن في عيونه و قلبها فضل يدق وهو كمان فضل باصصلها شويه لحد ما خدها و رجعو الكافيه
قعدت نورين جنب ايمن و هي عيونها على عبدالملك اللي كان واقف برا بيتكلم في التليفون و بيضحك
سيف : اييه يا عروسة رحتي فين مع عبدالملك
– مش عارفة هو مكان كله جبال
عجبك ؟
– سينا كلها جميلة و انا حبيتها
سيف : انتي لسا مشوفتيش حاجه عبدالملك هيوريكي حاجات تاخد عقلك
– ليه عبدالملك ؟
ممكن انت تبقى توريني
سيف : ها .. أصل انا مش فاضي و دايما عندي دراسه
– دراسه انت بتدرس ايه ؟
انا في كليه تجارة
– اه كويس أن في حد في العيله دي متعلم
قصدك ايه ؟؟ عبد الملك خريج إدارة أعمال من جامعة ***الألمانية
اتصدمت و برقت : ايه ؟؟ بس انا كنت فاكرة غير كده انكم يعني
رد عليها عبدالملك من وراها : اننا جهلا و مش متعلمين و بدويين بنرعى الغنم
قرب منها اكتر و قلد صوت المعزة وهو بيضحك : ماااااء
ضحك سيف و ايمن و اتحرجت هي لأنها كانت مقلله منهم
سيف : طيب ايه انتي بتدرسي ايه في القاهرة
نورين : انا في هندسة معمارية
رد عبدالملك بغرور : كنتي بتدرسي .. دلوقتي خلاص
– يعني ايه خلاص ؟؟ انت مالك دي حاجه بيني و بين ايمن
ايمن بتوتر : لا…ل .. لا عبدالملك هو اللي بيتحكم
– بس انا مراتك انت المفروض نتكلم الاول هكمل تعليم ولا لا
ضحك عبدالملك : يلا يلا انا مليت قوموا نمشي
…..
و انا بقولك بنتي اتجوزت معنديش بنات للجواز
ماجد : يا عمي انا بحبها و صدقني لولا الكلية كنت جيت من بدري اتقدملها
– انت مبتفهمش ؟
