رحلة بحرية
انتوا اللي اتفقتوا من غيري
سكتوا لحظة
وكملت وانا بابتسم
انا افتكرت انكم عازميني عشان اقضي وقت معاكم
مش عشان ابقى بيبي سيتر ببلاش
مرات ابني قالت بضيق
بس احنا كنا محتاجين شوية وقت لوحدنا
هزيت راسي
وانا كمان محتاجة اعيش شوية قبل ما العمر يخلص
قفلت الباب بهدوء وسيبتهم واقفين
ولأول مرة من سنين
صحيت الصبح من غير ما حد يطلب مني حاجة
لبست فستان خفيف وقبعتي الجديدة
ونزلت افطر قدام البحر
الهواء كان دافي
وصوت الموج مريح بشكل غريب
فضلت ابص للبحر وقت طويل
وأنا حاسة اني صغيرة من جديد
بعدها ركبت مركب سياحي
وضحت مع ناس معرفهمش
واكلت ايس كريم بالفراولة
وصورت البحر وقت الغروب
ولأول مرة
ماكنتش الام اللي شايلة هم الكل
كنت بس… ست جاية تستمتع بحياتها
وفي الليل
رجعت الفندق لقيت ابني مرهق والاطفال بيجروا حواليه
حفيدي الصغير جري عليا وقال
تيتة انتِ كنتي فين؟!
ضحكت وبوسته
كنت بتفسح يا حبيبي
ابني بصلي وسكت شوية
وبعدين قال بهدوء مكسور
احنا نسينا انك جاية ترتاحي انتِ كمان
ابتسمت له وربت على ايده
وقلت
لسه قدامكم وقت تتعلموا
ان الام مش خدامة
وان الجدة من حقها تعيش هي كمان
تمت بحمد الله ❤️
محمد نور
