الكلمة وقعت علي
قربت منه وصوتي واطي بس قاطع:
“إنت رميتني وأنا ضعيفة.
بس نسيت إن الضعف ده كان اختياري.”
لفّيت الكرسي ومشيت.
والأمن وقف شريف بره.
وسيبته لأول مرة في حياته…
من غير سلطة.
من غير شركة.
ومن غيري.
اللوبي كله كان ساكت…
غير صوت نفس شريف اللي بقى متقطع.
حكايات حصريه لصفحه رومانى مكرم
“إنتِ بتلعبي لعبة وس.خة يا ليلى…”
قالها وهو بيقرب ناحيتي، عينه مليانة نا*ر.
وقفت الكرسي، وبصيت له بهدوء:
“اللعبة دي لعبتك.
أنا بس غيرت القوانين.”
المستشار القانوني مد إيده بملف:
“أستاذ شريف، ده إخطار رسمي بعزلك من منصبك التنفيذي،
وتجميد كل حساباتك المرتبطة بالشركة،
ومنعك من تمثيل الشرق كابيتال في أي جهة داخل أو خارج مصر.”
شريف خطف الملف وقلّبه بجنون.
“ده تزوير!
نورا! قولي حاجة!”
لفّ يدور على نورا…
مش موجودة.
حصريه لصفحه رومانى مكرم
موبايله رن.
نورا.
فتح السماعة بعصبية:
“إنتِ فين؟! تعالي فورًا!”
صوتها كان مهزوز:
“شريف… أنا في التحقيق.”
اتسعت عينه.
“تحقيق إيه؟!”
—
قبلها بساعتين…
نورا كانت داخلة المبنى من الباب الخلفي، فاكرة نفسها كسبت كل حاجة.
بس أول ما دخلت، الأمن وقفها.
“حضرتك ممنوعة من الدخول.”
ضحكت بثقة:
“أنا مساعدة الرئيس التنفيذي.”
رد ببرود:
“السابق.”
سحبوها على مكتب الشؤون القانونية.
قدامها لابتوب مفتوح.
المحامية قالت:
“تحويلات مشروعة، تسريب بيانات،
علاقة غير قانونية مع الإدارة العليا،
واستخدام نفوذ لتحقيق مكاسب شخصية.”
نورا وشها شحب.
“أنا… أنا كنت بنفذ أوامره!”
—
نرجع للّوبي
شريف كان ماسك دماغه.
“إنتِ عملتي إيه؟!”
قُلت وأنا بقرب منه:
“خلي بالك…
كل تحويلة مضيت عليها باسمك،
كل إيميل بعثته من إيميل الشركة،
كل قرار اتاخد من غير مجلس الإدارة…
اتسجل.”
حكايات حصرى لصفحه رومانى مكرم
ابتسمت ابتسامة صغيرة.
“ونورا؟
كانت الدليل المثالي.”
صرخ:
“إنتِ د.مرتيني!”
رديت بهدوء يخوّف أكتر من الصريخ:
“إنت اللي د.مرت نفسك.
أنا كنت الدرع…
ولما رميته، السهم دخل فيك.”
—
بعد أسبوع
العناوين ولعت
«إقالة شريف عزت من الشرق كابيتال بعد فضيحة مالية»
«القب*ض على سكرتيرة تنفيذية بتهمة الفساد الإداري»
«ليلى منصور… سيدة الأعمال الغامضة تعود للمشهد بقوة»
شريف كان قاعد في شقة إيجار صغيرة،
من غير عربية،
من غير حساب بنكي مفتوح.
الباب خبط.
فتح…
كانت ليلى.
مش ببدلة المكاتب.
