رمالي ٢٥ الف جنيه
رمالي 25 ألف جنيه وقالي ابدي حياتك.. مكالمة واحدة مني خلّت أخته تلطم في المحل
يوم ما خدت ورقة طلاقي، مكالمة واحدة شقلبت كيان المحروس طليقي!
المحروس كان واقف على سلم المحكمة حاطط رجل على رجل، وداير ريقه بابتسامة صفرا وهو بيقولي خدي يا بت الناس 25 ألف جنيه أهم شدي بيهم حيلك، وده كرم مني بعد 5 سنين جواز. أنا بقى قابلت الابتسامة دي بضحكة روقان، وبنفس راضية قمت شاحطة أخته أشجان ومنعت عنها مصاريف الكلية الخاصة اللي ب 200 ألف في السنة، وسبتها تلطم في المحل والفيزا بتترفض قدام خلق الله!
المكالمة اللي جابت عاليها واطيها
ورقة الطلاق مكنتش لسه حبرها جِف في إيدي، ومستنيتش حتى لما أركب العربية، ولا قعدت أعيط وأندب حظي، ولا كلمت صاحبتي أنتيمتي أفضفض لها. في ثانية، وأنا واقفة في شمس يونيو الحاړقة بره المحكمة، طلعت التليفون ونهيت 5 سنين من الڼزيف المالي اللي كان على حس المحروس.
ألو.. يا حازم، قلتها لمدير أعمالي. اقفل الحنفية عن أي حاجة تخص البت أشجان أخته.
حازم سكت ثانية.. هو عارف نبرة صوتي لما بقلب ومبرجعش في كلامي.
كله كله يا فندم؟ مصاريف الجامعة، إيجار الشقة، اللبس، الكروت؟
كله يا حازم.. اقطع الميّه والنور فوراً.
علم وينفذ يا فندم.
قفلت السكة وبصيت لورقة الطلاق.. الجو كان حر يخنق، بس جوايا كان فيه برود وراحة.. أول مرة أتنفس بجد بعد سنين من مص دمي.
نهاية الجوازة الهباب
أنا اسمي شيرين الشربيني.
عشت 5 سنين مع راجل افتكر سكوتي وقلة كلامي هيافة وضعف.
حسام كان واقف بعيد عني بشبرين، بيعدل أساور قميصه بروقان ولا كأنه خارج من صفقة مش من محكمة طلاق! بدلة على العجين ما تلخبطهاش، وجزمة بتلمع، ووشه فيه كمية شماتة لواحد فاكر إنه كسرني.
قاللي بنبرة كلها تكنة أهو كده يا شيرين.. عقلتي وأخيراً مضيتي.
بصيت له وافتركت كل شيلة شيلتها مكان المحروس العجز المالي، الديون المستخبية، الفلوس اللي كنت بحولها له في السر عشان يداري خيبته، وكل مصېبة كان يلبس فيها ويقولي معلش أزمة وتعدي.
كان دايماً يفهمني إن الجواز تضحية.. وتضحيته دي كانت معناها إن أنا أدفع وهو يعيش دور البرنس.
كمل كلامه وهو حاسس بنصر زائف ما تقلقيش، رغم إنك خارجة من المولد بلا حمص وملكيش عندي مليم، أنا هرميلك 25 ألف جنيه من عندي.. جدعنة كده.. عشان تبدأي بيهم حياتك.
خمسة وعشرين ألف جنيه!
هو بيتكلم بجد؟ 5 سنين جواز.. 5 سنين كنت فيهم البنك الخاص بتاعه، والمستثمر المستخبي، والغطا اللي بيداريه وهو مش داري أنا بملك إيه أصلاً!
ضحكت من قلبي.
قلت له بصوت واطي لو الكلام ده من 5 سنين.. كنت عيطت.
ضحكته اختفت وقاللي بقلق قصمك إيه بالكلام ده؟
مشيت صباعي على طرف ورقة الطلاق وقلت له يا حسام.. أختك أشجان
