حبيت زعيم عصابة

ده فضلت سهرانه طول الليل وجهزت لبسي وحاجتي حطيتهم في شنطه صغيره ولبستها واستنيت اول لما بابا وماما ناموا الشقه بالراحه وخرجت ومشيت في الشارع وانا بجري الشارع كان ضلمه كل حاجه فيه بتخوف وانا دايما بخاف من الضلمه وفجاه وانا بجري خبطت في جسد صلب برفع عيني لقيته عاصي بيبص لي وبيستغرب وبيقول لي انت بتعملي ايه في الوقت ده جسمي كله اتجمد هو ازاي عرفني وانا منتقبه اتوترت وقلت له حضرتك تعرفني ضحك بسخريه وقال لي اه طبعا اعرفك انت حمايتك مسؤوليتي دلوقتي كفايه انك وقفت جنبي بكيت وقلت له طب تقدر تحميني منه قلب ثقه طبعا اقدر احميكي بس لازم تثقي في الاول قلت له هثق فيك ازاي انت خطفتني انت رئيس عصابه صح ابتسام وقال لي صح رئيس العصابه ده هو الوحيد اللي هيقدر ينقذك من الانسان الفاسد اللي بيتحامى في منصبه.

بلعت ريقي وقلت له طب هتنقذني منه ازاي بكل برود قال هتجوزك هتشيلي اسم العاصي

رجعت خطوه اللي ورا وقلت له تتجوزني ازاي لا طبعا ما ينفعش قال لي ما تخافيش انا هتجوزك وتبقي على اسمي واخدك في القصر بتاعي هتعيشي معايا فتره مؤقته وعقد الجواز عشان يامنك من اللي ممكن رؤوف يعملوا فيك وفي عيلتك هتباني قدام الكل انك هربتي وان انا اتجوزنا وهو مش هيقدر يعمل اي حاجه مجرد ما يعرف ان انت اتجوزتي صدقيني مش هيفكر

الفكره عجبتني بس كنت خاېفه انا هتجوز رئيس عصابه ازاي هتجوزه طب ما هو ممكن يؤذيني بس لا هو كان خاطفني وما قدرش يؤذيني طلب مني اساعده خلاص لو هو الوحيد اللي يقدر يساعدني يبقى هتجوزه بصيت له وبكل ثقه قلت له انا موافقه

قال لي طب اتفضلي تعالي معايا وخدني وروحنا القصر بتاعه واتصل بالماذون واثنين من رجالته وكتبنا الكتاب وبقيت مرات العاصي اخذني من ايدي وقال لي الاوضه اللي هناك دي هتبقى بتاعك استغربت انه ما طلبش يشوف وشي متخيلين اتجوزني

وهو ما شافش وشي ولا مره وما عندوش حتى فضول ان هو يشوفني انسان غريب جدا

دخلت الاوضه كنت حاسه بدفا في البيت وكانه بيتي اللي اتربيت فيه من زمان كان في جوايه مشاعر غريبه وكنت متغاظه جدا من العاصي لانه ما طلبش انه يشوفني ازاي ما عندوش فضول ممكن يكون بيحب واحده ثانيه اكيد بيحب واحده ثانيه واتجوزني فعلا عشان يساعدني ويرد لي المساعده اللي انا عملتها له