عاملة نظافة
الذنب
سارة كانت نايمة على الكرسي جنبه وهي ضامة شنطة المدرسة لصدرها
فسأل الممرضة بهدوء
هي مالهاش حد؟
ردت
الاب سابهم من سنين
والام كانت بتشتغل في اكتر من شغلانة عشان تعرف تصرف عليها
في اللحظة دي
كل حاجة جواه بدأت تتكسر
تاني يوم الصبح
الشركة كلها اتقلبت
حسام دخل الاجتماع الرئيسي بنفسه
وكل المدراء كانوا مستنيين قرار فصل مريم
لكنه حط الورقة قدامهم وقال ببرود مخيف
مين اللي رفض الطلب ده؟
الصمت ملي المكان
مدير الموارد البشرية قال بتوتر
دي سياسة الشركة يا فندم
حسام بصله بحدة وقال
يبقى سياسة وسخة
الكل اتصدم
اول مرة يسمعوه بيتكلم كده
كمل وهو صوته مليان غضب
موظفة بتقع من التعب وانتم رافضين علاج بنتها؟!
ومن النهارده
اي عامل في الشركة ليه تأمين محترم وصندوق علاج وحالات انسانية
ولو حد خاف يطلب مساعدة بسبب شغله
هعتبر المدير المسؤول مطرود
ولأول مرة
الناس شافت حسام المنياوي بعين مختلفة
لكن التغيير الحقيقي ماكانش في الشركة
كان فيه هو
لأنه كل يوم بعد الشغل
كان يروح المستشفى
وسارة تجري عليه أول ما تشوفه
وتقوله بفرحة
عمو حسام جه
ومرة وهي بتلون في كراسة صغيرة
بصتله وسألته
هو انت ليه طيب مع
ايا كده؟
حسام سكت لحظة
وبعدين ابتسم لأول مرة من سنين وقال
يمكن عشان انتي اول حد فكرني اني انسان… مش مجرد راجل غني
تمت بحمد الله ❤️
