لاتفضحني

حازم: غريبه دنا كنت اتحايل على ميتين اهلك نركب تاكس وانت تقول الأتوبيس أحلي

مصطفى: ما الأول كان علشان البنات دلوقتي خلاص مش عايز اشوف غيرها

حازم: بص ياروح امك هنركب اتوبيس علشان انا مفيش في جيبي غير عشرين جنيه ويبقي فكرني وحنا راجعين اخدك للدكتور قال حب قال

مصطفى: ههههههههههه ماشي يلا بينا
بعد ما وصلنا الشغل وغيرة الملابس بتاعتي

حازم: مصطفى بقولك ايه
مصطفى: عايز ايه

حازم: شد حيلك النهارده عايزين نخلص بدري
مصطفى: اشمعنا

حازم: علشان هنخرج انا وانت ونرمين اصلها عايزه تشتري طقم جديد
مصطفى: بجد ولا دي حركه من حركاتك منا عارفك

حازم: لا والله بكلم بجد هي عايزه تشتري طقم جديد

مصطفى: حيث كده بقي انا عايز أقولك حاجه بخصوص نرمين

حازم: حاجة ايه

مصطفى: بص ياسيدي اوعدني الأول تاخد الموضوع بهدوء وتتصرف بعقلك

حازم: أوعدك اخلص عايز تقول اي

مصطفى: بصراحة أختك كانت بتحب واحد ع الفيس بوك وبعتت صورتها وهي بقميص النوم و…..

#########.

#روايه_لا_تفضحني

#الجزء_الخامس والسادس علشان تفاعلكم معايا

مصطفى: بصراحة أختك كانت بتحب واحد ع الفيس بوك وبعتت صورتها وهي بقميص النوم و
حازم: انت بتقول إيه ياعم انت

مصطفى؛ ذي ما بقولك كده وعايزين نشوف حل

حازم: حل إيه الحل هو إني اقــ . ـــتلها وشرب من دمها مش بس كده دنا هخلي العيل ده يندم على اليوم الي اتولد فيه

مصطفى: اهدأ ياصاحبي تقــ . ـــتل ايه بس صلي على النبي كده في قلبك وخد الموضوع بالعقل شغل الصعايده ده مش هينفع وبعدين البنت ذنبها ايه هي عيله ومتعرفش حاجه هشام هو اللي ابني جزمه ولازم يتحاسب

حازم: هشام مين

مصطفى: الواد اللي كانت بتكلمه على الفيس اسمه هشام

حازم: وهشام ده أوصله اذاي اديني العنوان

مصطفى: ما هي دي المشكله

حازم: مشكلة ايه يا عم انت

مصطفى: إحنا ما نعرفش عنه حاجه غير صفحته على ام الزفت الفيس بوك

حازم: انا شكلي هتحول مصاص دماء

مصطفى: ابوس إيدك ياصاحبي نرمين تلزمني انا بحبها ابوس على ايدك هي ملهاش ذنب

حازم: بضحكه مرعبه ههههههههههه ملهاش ذنب تكلم واحد من ورايا وتخبي علي أمها وكمان تبعت صورها وهي عريانه لواحد ابن وسـ . خه وتقولي ملهاش ذنب أنت مجــ . ــنون ياعم انت ولا ايه حكايتك

مصطفى: لا مش مجــ . ــنون انا إنسان ومحدش خالي من الغلط إحنا بشر ياصاحبي