بيت في الجبل
ويبقى سيلين عملت اللي كنت خايف منه
وقفت مكاني
وقلبي كان بيدق بعنف
كملت قرايه
انا عارف حقيقتها من زمان
وعارف انها عمرها ما حبتك
ولا حبتني
هي كانت بتحب الفلوس والحياه اللي عايشاها وبس
حاولت ابعد عنها اكتر من مره
لكن كل مره كانت ترجع تعتذر وتوعدني انها هتتغير
وانا كنت غبي
بس في اخر سنه
بدأت اخاف عليكي منها بجد
عشان كده نقلت كل حاجه باسمك
شهقت وانا بقلب الورق بسرعه
لقيت عقد الفيلا
وعقد الارض
وحسابات البنك
كلها باسمي انا
وفي اخر الجواب كتب
البيت ده بيتك يا امي
وانتي الوحيده اللي تعبت عشانه
ولو هي طردتك في يوم
اعرفي انها متعرفش ان كل حاجه خلاص بقت ليكي
وكان فيه مفتاح صغير مربوط في اخر الجواب
وتحت الجواب ورقه تانيه
مكتوب فيها اسم محامي
تاني يوم نزلت البلد وروحت للمحامي
اول ما شاف الورق اتصدم
وقالي
مدام امينه
ابنك نقل كل ممتلكاته باسمك قبل وفاته بـ 6 شهور
ومراته متعرفش اي حاجه
حسيت رجلي مش شيلاني
مش عشان الفلوس
لكن عشان احمد كان حاسس
كان عارف انها ممكن تدمرني بعده
بعد يومين بس
رجعت الفيلا
ولما فتحتلي سيلين الباب
كانت لابسه وبتضحك مع صحابها
اول ما شافتني اتغير وشها
وقالت بعصبيه
انتي رجعتي هنا ليه
مديتلها الورق بهدوء
في الاول كانت بتضحك
لكن مع كل صفحه كانت تقراها
لون وشها كان بيتغير
ولأول مره
شوفت الخوف في عينيها
قالت بصوت متكسر
ده مستحيل
قولتلها
المستحيل انك افتكرتي ان احمد كان اعمى
وبعدين قولتلها نفس الجمله اللي قالتها ليا يوم طردتني
كل حاجه هنا بقت بتاعتي
وساعتها
هي اللي خرجت من البيت ومعاها شنطها
ووقفت انا في نفس المكان اللتمتي اتطردت منه
بس الفرق
اني ما حسيتش بالانتصار
حسيت ان ابني
حتى بعد م*وته
كان لسه بيحميني ❤️
تمت بحمد الله ❤️🩵
محمد نور
