اول ماورقة الطلاق وقعت في ايدي ٢
وهاني واقف يلف ويدور، وعينه في الأرض، مش قادر ينطق بكلمة تبرأه.. لحد ما رميت القنبلة الأخيرة اللي نسفت كل حاجة.
قلت لها وأنا ببص في عينها مباشرة: “طب اسألي ابنك السند والضهر.. الفلوس اللي كان بيديها لك كل شهر في مغلف ويقول لك إنها من أرباح شركته ومكتبه الاستشاري الكداب.. كانت بتخرج منين؟ اسأليه الفيزا اللي في جيبه دي تبع أنهي حساب بنكي؟ حساب شركتي أنا.. وكالة ليلى للتسويق!”بقلم منــال عــلي
إلهام اتصدمت، لفت وبصت له بذهول وكسرة حقيقية: “هاني؟ أنت قلت لي إن ده رزقك وتعبك من عرق جبينك ومشاريعك مع صحابك! أنت كنت بتاخد من فلوس الست دي وتديني وتفشخ ركبتك قدامي؟”
هاني وشه جاب ألوان.. أحمر في أصفر في أزرق.. ملقاش رد، لسانه اتمسح. السكوت في اللحظة دي كان اعتراف رسمي وصريح بالسرقة وقلة الأصل والنصب.
طلعت من ورا الباب فايل (ملف) جلد أسود كبير، مليان مستندات، فواتير، وتحويلات حسابية ممضية وموثقة: “شوفي يا طنط.. ده مش كلام مشاعر ولا خناقات ستات وحموات في التلفزيون.. دي أرقام وحقايق موثقة من البنك الأهلي وبنك مصر.. وأنا مش هسمح لأي حد، مهما كان، يمد إيده في جيبي أو ياخد مليم واحد مش حقه.. بره!”بقلم منــال عــلي
ورزعت الباب في وشهم بكل قوتي.. “بمب!”.. وسبتهم بره في الطرقة مع الحقيقة المرة، ومع نظرات ووشوش الجيران اللي كانوا واقفين على السلم مستغربين ومستمتعين بأقوى مسرحية درامية حقيقية حصلت في العمارة من سنين.
بقلم منــال عــلي
بعد اليوم ده، الدنيا اتغيرت تماماً.. الغمامة انزاحت عن عيني. حاولوا في الأول يبعتوا لي رسايل تهديد على الواتساب من أرقام غريبة، وتهديدات بمحاكم وقضايا “بدد” ونفقة وقصص ملهاش أول من آخر، بس أنا كنت مأمنة نفسي صح.. معايا كل الإثباتات والورق والشيكات المرتجعة اللي تخليني أحط صباعي في عين أجدع حد فيهم وأسجنه كمان لو فكر يلعب معايا. التلاعب النفسي والـ (Gaslighting) اللي كانوا بيمارسوه عليا سنين عشان يحسسوني إني مقصرة وإني “بيئة” ومبفهمش، مبقاش يأثر في شعرة واحدة من راسي.
فقت لشغلي.. ركزت كل طاقتي ووقتي في الوكالة.
وبعد تلات شهور بس من الطلاق، شركتي قدرت تمضي أكبر عقد تسويقي في تاريخها مع مجموعة مستشفيات ومطاعم خليجية ليها فروع في مصر. ولأول مرة في حياتي، حسيت بطعم الفلوس والنجاح “صافي”.. ليا لوحدي، مفيش حد هينغصه عليا، مفيش حد هيقعد على الجاهز وياخد الشيك عشان يروح يصرفه في الشوبينج والمظاهر الكدابة، ولا حد هياخد منه مليم مش حقه ويقول “أنا السند”.
