عسل مسـ,ـمـ,ـوم بقلم الكاتبة لوسي ١
ادم قال في وسط بكاءهانا عاوز مامي ترجع،هي وحشتني.
ليلى دموعها نزلت بحزن وقربت منه بسرعه وحضنته.
وقتها حليم اټصدم وغاده كانت دخلت وراها وهي مزهوله من اللي ليلى عملته.
ادم لما حضنها هدا وسكت عن الصړاخ..فضلت ليلى تطبطب عليه بحنيه لحد ما حست انه خلاص هدا..بعدت عنه وهي بتبص في عينه.
انا هنا معاك متقلقش،مش هسيبك.
ادم هز راسه بموافقه وحليم قرب من ابنه وهو بيسأله
انت بقيت احسن دلوقت.
ادم بص لوالده بزعل وبعدها هز راسه وهو بيبص ل ليلى
هي دي الداده الجديده.
ليلى هزت راسها بموافقه
ايوه انا يا حبيبي،واسمي ليلى.
ادم هز راسه وهو بيقرب منها تاني وبيحضنها وسط زهول حليم وغادة وباقي الخدم اللي كانو بهمسوا
دي اول مره ادم بيه يحصن حد بالشكل دا..هي عملت له ايه؟
حليم فضل مركز مع ليلى باستغراب لكنه اطمن ان ابنه اخيرا بيهدى ومرتاح لها.
بص لغاده وقطع شرودهابتعملوا ايه هنا؟
غاده والخدم خرجوا بسرعه وهما متوترين..
وحليم قرب من ليلى واتكلم بنبره هاديه علشان ابنه
دي اول مره ادم يقبل ان حد يقرب منه،واضح انه ارتاحلك جدا،اتمني تكوني بتحب شغلك وتقدري تراعيهم.
ليلى بعدت ادم عنها وقربت من حليم واتكلمت بثقه
اوعدك يا فندم اني هشيلهم في عيني،متقلقش.
حليم بص لعيونها ولاحظ الثقه،هز راسه وسابهم وخرج،وليلى للحظة قلبها دق من نظرة حليم ليها.
اتوترت ولفت بجسمها بعدما هو خرج،وقربت من ادم علشان تساعده يغير هدومه،وسط ضربات قلبها الغريبه .
_______________________
في الخارج،كان حليم في عربيته ومعاه المساعد بتاعه.
اتكلم حليم بنبره حادهعاوزك تعرفلي كل حاجه تخص حياة المربيه الجديدة،شكلها مألوف بالنسبالي بس مش فاكر انا شوفتها فين.
المساعد حرك راسه بالموافقه واتكلمحضرتك هتروح الشركة.
حليم بموافقهأيوة
المساعد اتحرك بالعربية ،وحليم خرج موبايله وبعت رساله لطليقته وهو متعصب
ادم مڼهار بسببك،صدقيني اڼتقامي منك ومن اللي عملتيه فينا مش هيكون عادي..
بعتلها الرساله وقفل تيلفونه بعصبيه.
____________________
وفي القصر.
ليلى ساعدت كارما وآدم يغيروا هدومهم واخدتهم علشان ياكلو،وهي بتساعدهم ياكلو اكتشفت عاده غريبه عن ادم،وهو انه بيحب ياكل باسده الشمال وكمان بياكل فاكهه قبل الوجبة الاساسية .
سرحت باستغراب لان ابنها كان عنده نفس العاده دي وهو صغير،بس للاسف هي ملحقتش تتهنى بالحياه معاه لانه اتخطف منها وهو تعبان في المستشفى.. ولانها اتظلمت كتير مقدرتش تلاقيه لحد دلوقت.
