عسل مسـ,ـمـ,ـوم بقلم الكاتبة لوسي ١
علي فرح من الشغل ده وشكر السكرتيره ومشي،وراح قابل ليلى،وبعدما اخدها في عربيته واتحرك اقترح عليها الشغل وليلى استغربت الصدفه ،لكنها وافقت وعلي بنفسه وصلها للقصر واحتفظ بشنطتها معاه لحدما يعرف لو كانت اتقبلت او لا.
بعدما راجعت ليلى شريط حياتها افتكرت علي و انها لازم تبلغه انها اتقبلت في الوظيفه.
خرجت تيلفونها وكلمته،وبعد لحظات رد عليها.
ليلىانا اتقبلت في الشغل،وقولت اعرفك علشان تجبلي الشنطة علشان اغير هدومي.
علي بابتسامهمبرووك يا ليلى،دا امن مكان ممكن تفضلي فيه،متقلقيش صاحب القصر يبقى صاحب الشركة اللي بشتغل فيها انا عارفه كويس،هو كيس جدا بس عصبي شويه.
ليلى افتكرت حليم باشا وهزت راسها على تأكيد كلامه وقالتطيب عرفني هتوصل امتى علشان اقابلك واخد النطة.
علي ساعة بالظبط وهكون عندك متقلقيش.
ليلى قفلت معاه المكالمه وبصت ل كارما اللي خلصت اكلها واخدتها علشان يروحوا لأدم.
في الجنينه ادم كان واقف متعصب وبيبص للبسين،ليلى قربت منه وهي مبتسمة وبتكلمة
القمر زعلان ليه؟
ادم رد وهو متضايقممكن تسبوني لوحدي،انا متضايق دلوقت.
ليلى ضحكت على كلامه وقالتخلاص انت الخسران،كان نفسي تلعب معانا!
ادم استغرب وبصل لها بفضولالعب ايه؟
ليلى بمشاكسةخلاص مدام مش هتلعب يبقى مش هقولك.
ليلى كانت مستغربه انجذابها الكبير لادم،خصوصا ان شقاوته فكرتها ب رحيم وهو معاها.
ادم قرب منها وهو بيسالها تانيقوليلي هالعب ايه وانا هفكر لو عجبتني هلعب معاكم.
كارما قالت علشان تغيظةخلاص يا ليلى سيبيه وهنروح نلعب احنا.
ليلى ابتسمت وهزت راسها بالرفض
لا انا عاوزه ادم يلعب معانا،ادم اتحمس وهز راسه وليلى اخذتهم وبدات تجري وراهم في الجنينة والاطفال بيضحكوا معاها لاول مره من قلبهم.
__________________________
وصل علي للقصر وطلب يقابل ليلى،واما دخل اول ما شافها بتجري وبتلعب مع الاطفال ابتسم لانها من ٥ سنين وهي مضحكتش بالشكل ده من قلبها.
اول ما شافته قربت عليه وعلى ابتسم لها،والاطفال راحوا وراها.
على سلمها الشنطة،وبص للاطفال وسلم عليهم،واما قرب من ادم حس ان دي مش اول مره يشوفه ولكنه مش فاكر شافه فين.
ليلى شكرته على كل اللي عمله معاها وعرفته ان السي في اللي جهزهولها لانه عجب حليم باشا وقبلها بسببه.
على ابتسم وبلغها انه هيجي يزورها على طول وطلب منها تطلب من فتره للتانيه اجازه علشان يخرجها.
