عسل مسـ,ـمـ,ـوم بقلم الكاتبة لوسي ١
غاده بصت في ساعتها وهي بتقوم باستعجال
يلا يا ليلى،عربية الاولاد زمانها وصلت ولازم تستقبليهم وتتعرفي عليهم.
ليلى هزت راسها بابتسامه ووقفت بسرعه واتحركت وراها.
وفي الاسفل ،العربيه اللي فيها الاطفال كانت وصلت،وغاده اتحركت بسرعه وفتحت ليهم الباب،خرج الولد الاول وهو متعصب ودخل للقصر بسرعه.
ووراه نزلت البنت بهدوء واول ما شافت ليلى واقفه جمب غادة وبتبصلها ،ابتسمت بلطافه.
ليلى فرحت من رد فعل البنت،وقربت منها وهي بتشيلها وبتتكلم بهدوء
اسمك ايه يا قمر.
البنت بلطافهكارما ،وانتي.
ليلى بابتسامه انا ليلى،هكون من النهارده الداده بتاعتكم.
البنت ابتسمت،وغاده همست ل ليلى
نزلي البنت وادخلي معاها وصليها لغرفتها علشان تغير هدومها.
ليلى بسرعه نزلت كارما،ومسكت ايدها ودخلوا مع بعض للقصر.
وفي غرفة الطفل واللي اسمه آدم،كان واقف پيصرخ بصوت عالي خلى كل الخدم يروحوا لغرفته.
وحليم باشا كان قاعد في مكتبه اول ما سمع صوته خرج وهو مستغرب،ليلى في اللحظة دي كانت وصلت كارما لغرفتها ولما سمعت صوت صړاخ الطفل جريت بسرعه تطمن عليه.
وصلت غاده لغرفه ادم وقربت منه وهي بتحاول تهديه
ايه اللي حصل ؟
الطفل بعد عنها بضيق وصړخ فيها
اطلعي بره!!
غاده سمعت كلامه وخرجت ووقتها حليم وصل،
غاده بتوترحاولت اهديه بس هو طلب مني اطلع بره.
حليم ضم حاجبه بضيق ودخل لغرفه ابنه باستغراب
ادم اول ما شافه صړخ وهو بيقوله
عاوز مامي،انت ليه مش عاوز ترجعها.
حليم قرب منه وهو بيتكلم
وطي صوتك واهدى،مامي مش هترجع معانا خلاص.
ادم رجع خطوه لورا وهو لسا پيصرخ لا انا عاوز مامي،مش عاوز حاجه تاني غيرها.
ليلى وصلت وهي بتسال غاده بخضههو في ايه؟
غاده بضيق دا ادم بيه،بيعيط علشان عاوز مامته،هو طول الوقت كده،بكره تتعودي.
ليلى ضمت حاجبها باستغراب،وقررت انها تدخل لكن ايد غاده منعتها
حليم باشا جوه،مينفعش تدخلي دلوقت.
ليلى وقفت مكانها ولكن الطفل كان لسا مڼهار،فقررت بسرعه انها تدخل واول ما فتحت الباب الطفل بص لها وكمل صړاخ بعصبيه.
حليم اتكلم
اخرجي انتي دلوقت.
ليلى بصت لهم لحظة وسكتت،والطفل وقع على الارض وهو لسا پيصرخ،ليلى قلبها ۏجعها من منظره وقربت منه بسرعه ونزلت لمستواه.
بهدوء قالت ايه اللي حصل بس قولي وانا هساعدك.
