من اول تلات ايام والبنت مش على بعضها
لكن جوه قلب كارمن كان لسه في سؤال واحد بيضرب
هي هتستحمل اللي جاي
ولا اللي حصل كان بس البدايه
باب العمليات قفل وسيب كارمن واقفة لوحدها في الممر الأبيض ريحة المطهر ماسكة في دماغها وصوت قلبها أعلى من أي حاجة حواليها
قعدت على الكرسي وإيديها بتترعش وافتكرت كل مرة كانت تشوف سارة ساكتة زيادة وكل مرة كانت تقول دي فترة وهتعدي
الوقت كان بيعدي تقيل
نص ساعة
ساعة
وكل دقيقة كانت كأنها سنة
الممرضة عدت وقالت العملية طويلة شوية بس الحالة مستقرة
كارمن هزت راسها بس قلبها مش مطمّن
من بعيد سمعت صوت خبط ودوشة
الضابط كان واقف وبيسأله أسئلة وهو صوته عالي
أنا معملتش حاجة دي بنتي
كارمن قامت فجأة
قربت منهم وقالت بصوت لأول مرة يطلع قوي
ابعد عنها
الكل بص لها
حتى هو اتفاجئ
قالها وإنتِ صدقتي الهبل ده
دي بنت وبتتدلّع
كارمن قربت خطوة
لا
أنا اللي كنت غبية
أنا اللي سكت
الضابط بص له بنظرة جامدة
عندنا بلاغ وشهادة طبية ولسه التحقيق مكمل
حضرتك هتيجي معانا
وهو بيتسحب حاول يفلت
بص لكارمن بنظرة تهديد
إنتِ خربتي بيتك بإيدك
كارمن ردت بهدوء مرعب
إنت اللي خربته من زمان
الباب اتقفل ووراهم الهدوء رجع بس المرة دي كان تقيل أكتر
كارمن رجعت كرسيها وعيونها على باب العمليات
بعد شوية الدكتور خرج
خلع الجوانتي وقال
الزايدة كانت منفجرة من بدري شوية كمان وكانت الحالة بقت أخطر
بس الحمد لله لحقناها
كارمن حسّت ركبتها بتضعف
مسكت في الحيطة
يعني هتعيش
هتعيش
الدكتور سكت لحظة
وبص لها
بس اللي عدت بيه نفسياً محتاج وقت ودعم كبير
بعد ساعات سارة خرجت أوضة الإفاقة
وشها شاحب بس عينيها مفتوحة
أول ما شافت أمها ابتسمت ابتسامة صغيرة
كارمن مسكت إيدها
أنا جنبك ومش هسيبك تاني
سارة همست
بابا فين
كارمن سكتت لحظة
وبعدين قالت
مش هيقربلك تاني
البنت دمعتها نزلت
يعني خلاص
كارمن قربت وشها منها
يعني ابتدت حكايتنا من أول وجديد
الممر كان فاضي
الليل لسه طويل
وبره المستشفى الدنيا ماشية عادي
بس جوه الأوضة دي
اتكسرت أسرار
واتقفلت سجون
واتفتحت طريق جديدة
طريق محدش عارف آخرها إيه
ولا هل سارة هتقدر تمشي فيه لوحدها
ولا لسه الجرح أعمق من اللي باين؟
بعد أسبوع المستشفى بقت شبه بيت
كارمن كانت بتنام على الكرسي جنب السرير وسارة كل يوم بتفوق أقوى شوية
الأطباء قالوا الجرح التأم بس الوجع اللي جوا مش له شكل في الأشعة
