سأطفئ شعلة تمردك الجزء الاول

الفصل الثامن 2
الزفاف

اليوم هو زفافي ولكني لا أشعر هذا
الشعور الذي يخبروني عنه بأن هذا اليوم هو أجمل
أيام كل فتاة فأنا أشعر بخوف شديد
سأتزوج من لا أعرفه رجل
يؤذيني مثلما آذي والدي والدتي
نعم فكل الرجال كذلك
ولكن كل شئ أهون علي أن
أري أمي الحبيبه تتعذب
فهذا هو الثمن الوحيد لزواجي من أدهم
ولكن لن أجعله يتمكن مني آبدا
مثلما فعلتي أنتي أمي
لن آحبه لن أتهاون في حقوقي
لن أتركه يعذبني
لن تمتلكني أيها الرجل
كانت جالسه في غرفة الفندق
المخصص لعمل الزفاف
وهذه الكلمات تدور في راسها
وكانت تتجهز ولا تري آحد أمامها
غير وجه والدتها الحزين لحال إبنتها
ووالدة أدهم غير المطمئنه لما يحدث
وصديقتها التي تعلم ما بها جيدا
______________________________________
حاولت أن تبتسم……ولكن هل تستطيع!!!
فاقت من شرودها علي صوت أخت أدهم ساره
ساره:بسم الله ما شاء الله أنتي جميله اووووي
ديما(إبتسمت):مرسي يا قمر أنتي أحلي
ساره:يا بختك يا أدهم يارب أوعدني بعريس قمر
زي عروية أخويا القمر دي
ديما:ههههه مش شايفه انك بتبالغي
ساره(بتعجب):ببالغ؟؟طيب ردي أنتي يا ماما؟؟
كوثر(بإبتسامه):تبالغ إزاي بقي أنا بصراحه مكونتش متصوره أن
عروسة أدهم هتكون بالجمال والرقه دي
ماجده(بهدوء محاولة إخفاء عذابها):أدهم برده يستاهل
وربنا يوفقهم
كوثر:يارب
ندي:خلاص بقي يلا يا عروسه خلينا نخلص
التشطيبات
عاملة الكوافير:هو فاضل حاجه بسيطه خالص
وتبقي خلصتي كل حاجه

_____________________________________________
كان يتجهز هو الآخر في الغرفة المجاوره
وكان يعيش في صراع شديد
هل هو حقا يحبها
أم يريد أن يمتلكها
لانها لم تمكنه منها؟؟
لا أنا حقا أحبها بل أعشقها
أنا أغرق في بحر عيونها
ولكن هي لا تثق بي
ولا تعلم كم أحبها
ولكن حبيبتي سأعلم ما الذي جعلكِ
هكذا……….هل وقعتِ في شباك الحب
من قبل وتم خداعك أم ماذا
ولكن لن أتركك…… ستثقين بي
ستحبيني مهما طال الزمان
سأصبر حتي أنال حبك
عصفورتي العنيده
___________________________
أمجد:ايه يا عريس مالك؟؟
أدهم(أفاق من شروده):ها؟؟ لا أبدا
البدله مظبوطه؟؟
أمجد:قمررررر يا خواتي
أدهم:انت بتعاكس ولا إيه؟؟
لا خلي بالك أنا محجوز
أمجد:هههههه ده أنا العشقه يابت؟؟
أدهم:معلش بقي مكنش يتعز يا لمبي
هههههههه…….إخلص بقي كله مظبوط؟؟
أمجد(وقد أمسك بالكرافت):أيوه…كله كدا تمام أووي
أدهم:طيب هات البرفان
أمجد:خد يا سيدي
عايزك تطول رقبتي إنهرده
أدهم:إتلم ياض وملكش دعوه
أمجد:خلاص خلاص
تحب أروح أشوف العروسه جاهزه ولا لأ
أدهم:لا يا شيخ؟؟لا يا خويا شكرا هكلم ساره
وأشوفها جاهزه ولا لأ
أدهم(وأمسك بالهاتف):أيوه يا ساره ديما جاهزه ولا لسه
ساره:هي جاهزه بس طلعت هي ومامتها مع باباها
أدهم(بتعجب):يعني ايه في حاجه حصلت؟؟
ساره:معرفش والله بس باباها
جه آخدها هي وطنط وقالوا خمس دقايق وجايين
أدهم:طيب أول ما ترجع رنيلي
ساره:حاضر سلام
أدهم:سلام……..غريبه يعني
أمجد:هو إيه اللي غريبه
أدهم:محمود بيه جه أخد ديما وطنط ماجده
وقالهم خمس دقايق وهيرجعوا
أمجد:هيكونوا راحوا فين يعني؟؟
أدهم:مش عارف بس مش مطمن
أمجد:متشغلش بالك دلوقتي زمانهم جايين خير إن
شاء الله
أدهم:ياااااااااارب
_________________________________
جاء ليأخذها هي ووالدتها كي يتم
ما إتفقوا عليه وهو طلاق
ماجده من محمود
وتم ما إتفقوا عليه
محمود:يلا روحوا بقي علي الاوضه
عشان أدهم ييجي ياخدك
ديما:فين عقد الشقه بتاعة ماما؟؟
محمود:أهه يا ختي
ديما(أخذت منه العقد):شكرا
ذهبت هي ووالدتها ولم تنظر له
بل كانت تنظر لوالدتها
وهي تبكي في صمت
ديما:ماما ممكن تيجي معايا تغسلي
وشك وعشان خاطري بطلي عياط
ده أنهرده فرحي عشان خاطري
ماجده(حاولت مسح دموعها):خلاص يا حبيبتي أنا كويسه أهه
يلا بينا
ذهبت ديما مع والدتها لغسل وجهها ثم ذهبوا
للغرفه حتي تنتظر زوجها المستقبلي
وعندما وصلوا
ساره:خير يا ديما حصل حاجه؟؟
ديما(حاولت أن تكون طبيعيه):لا يا حبيبتي مفيش حاجه
ساره:طيب أنتي جاهزه؟؟أكلم أدهم؟؟
ديما:أيوه يا حبيبتي خلاص كلميه
ندي:قمرررررر والله
ديما(وهي تحتضنها بصوت هامس):إدعيلي يا ندي
ندي(بنفس النبره):ربنا معاكي يا حبيبتي
_______________________________
ثم جاء أدهم كي يأخذ عروسته
ووجدها بهذا الفستان الأبيض