نبتدي المزاد
وفجأة…
باب المكتب اتفتح بعن,,ف.
الكل لفّ…
وفريدة دخلت.
وشها شاحب… عينيها مرهقة…
ملامحها متغيرة تمامًا…
ياسين أول ما شافها…
قلبه وجعه.
“هي عملت في نفسها كده ليه؟”
بس… رجع لجموده بسرعة.
فريدة بصت حواليها… وبعدين قالت مباشرة:
“عايزة أتكلم معاك.”
سها بصت لياسين…
وهو رد بهدوء:
“سيبونا.”
المحاسب قام فورًا وخرج…
وسها وقفت لحظة… بصت لفريدة بنظرة خفيفة… فيها تحدي…
وبعدين خرجت هي كمان.
الباب اتقفل…
وسكت المكان.
ياسين قام من ورا المكتب…
وقرب منها ببطء…
عينه بتتفحص وشها الشاحب…
وقال بنبرة فيها قلق مخفي:
“إيه اللي إنتي عملاه في نفسك ده؟
وشك مطفي… ودبلان كده ليه؟”
فريدة ضحكت بسخرية… ردت بعصبية:
“معلش… أصلي مش عايزة أحط مكياج…
زي العروسة اللعبة بتاعتك.”
ثانية صمت…
وياسين…
ضحك.
ضحكة خفيفة… مستفزة.
فريدة استغربت واتعصبت أكتر: “بتضحك على إيه؟!”
قرب منها خطوة… وعينه فيها لمعة خبيثة:
“واضح إنك مركزة مع سها أوي.”
فريدة ردت بسرعة: “أنا؟! لا خالص.”
ياسين مال شوية… صوته بقى أوطى:
“غيرانة؟”
الكلمة خبطتها.
“إنت بتحلم.”
ياسين ابتسم… واضح إنه مستمتع:
“طب حلو… يبقى مفيش مشكلة إنها تبقى معايا في الحفلة.”
فريدة عقدت حواجبها: “حفلة إيه؟”
ياسين رجع يقف باعتدال: “حفلة كبيرة عشان أكبر مشروع للشركة…
وهي اللي منظمة كل حاجة.”
وبعدين كمل وهو مركز في رد فعلها:
“وطبعًا… هتبقى معايا طول الوقت.”
فريدة حاولت تبان عادية… بس نبرتها خانتها: “طبيعي… دي مديرة أعمالك.”
ياسين قرب أكتر… بص في عينيها مباشرة:
“بس مش بس كده… صح؟”
فريدة سكتت…
مش عارفة ترد.
ياسين همس بنبرة مستفزة:
“مش هي دي المشكلة اللي مضايقاكي؟”
فريدة رفعت راسها بعند: “المشكلة الوحيدة… إني اتجوزت واحد فاكر نفسه مركز الكون.”
ياسين ضحك تاني… بس المرة دي صوته أهدى:
“بس لسه بتبصيلي… كأني كل حاجة.”
الكلمة خلت قلبها يدق…
بس رفضت تبين.
لفت وشها بعيد: “أنا جيت أقولك إني مش هفضل محبـ,ـوسة كده.”
ياسين رد فورًا: “حلو.”
بص لها نظرة طويلة… فيها معنى:
“يبقى تحضري الحفلة.”
فريدة بصت له: “ليه؟”
رد بثقة:
“عشان تبقي مراتي… قدام الكل.”
سكت لحظة… وبعدين كمل بنبرة فيها تحدي واضح:
“ولا خايفة تشوفي سها جنبي؟”
فريدة بصت له… وعينيها ولعت:
“أنا مبخافش من حد.”
ياسين ابتسم… كأنه وصل للي عايزه:
“تمام… يبقى استعدي.”
