انتقام الحماة الخفي – محمد نور
السكون نزل على الأوضة زي الصاعقة.
داليا بصت لأمها وسألتها السؤال اللي دمر كل حاجة:
«أمي… لو أنتِ مكنتيش تعرفي إني أنا اللي جوة البانيو… كنتِ رايحة تموتي مين؟!»
محدش نطق!
طنط إلهام بصت لمصطفى.. ومصطفى بص لأمه.. الملعوبين خبطوا في بعض قدام الكل!
مصطفى زعق في أمه: «أنتِ اللي بعتي مريم فوق؟! أنتِ اتجننتي؟! كنتِ هتوادينا في داهية!»
طنط إلهام صرخت فيه: «أنا كنت بخلصنا من اللي فاهمة كل حاجة! أنت اللي جبت أختك هنا وأنت عارف إنها بتهددك بالتفتيش والنيابة يا حرامي!»
«أنا مش حرامي! أنتِ اللي معلماني كل القذارة دي من صغري!»
«أنت بتعلي صوتك عليا يا ابن الكلب؟ ده أنا اللي غطيت عليك لما التقرير الطبي بتاع أبوك اتزور!»
الصالون تحول لساحة حرب! الاتهامات بقت بتمطر من كل ناحية.
شيرين المحامية خافت وقامت وقفت: «أنا ماليش دعوة بالكلام ده! مصطفى هو اللي سرق اليوزر بتوع مريم ومسح الصور من تليفونها لما أخد منها الباسورد!»
مصطفى زعق فيها: «اسكتي يا غبية!»
شيرين: «مش هسكت! أنا مش هلبس قضية شروع في ق/تل وتزوير عشانك!»
داليا كانت قاعدة بتعيط بكسرة وهي شايفاهم بياكلوا في بعض.. مش ضعف، بس زعل على العيلة اللي اكتشفت إنها كانت مجرد شبكة مافيا متغطية بديكور شيك.
أنا وقفت، وأخدت ورقة “التنازل” وشقيتها نصين قدام وش طنط إلهام.
«أنا مش همضي على حاجة.. والمسجل ده» (طلعت تليفوني) «سجل كل كلمة اعتراف تقالت في الأوضة دي، والنيابة برة في انتظارنا.»
طنط إلهام انهارت وقعدت على الكرسي: «مريم.. بلاش تخربي بيتنا.. أنا ممكن أرجع لأبوكي محله وأديله فلوس فوقيهم!»
بصيتلها بقرف وقلت:
«المضحك يا طنط إلهام.. إني نجيت من الموت الصبحية دي عشان كنت عايزة أكون كنة مطيعة.. طلعت غسلت الفوط اللي فوق عشان أريحك، فملقتش فوطة واضطررت أستحمى تحت.. التفصيلة البسيطة دي هي اللي كشفت وساختكم للدنيا كلها.»
العدالة مجمتش في يوم وليلة.. أخدت شهور طويلة.
بس الكدبة الكبيرة اتفرتكت! أم عبده الشغالة راحت النيابة وغيرت أقوالها واعترفت إن طنط إلهام هددتها بطرد ابنها ورشوته بالوظيفة عشان تشهد زور.
داليا شهدت بالحق، والتقرير الطبي أثبت إن مريم هي اللي أنقذتها وعملتلها إسعافات أولية. النيابة حفظت القضية ضد مريم تماماً وبرأتها!
