لقاء بعد الطلاق – محمد نور
بصيت لأحمد.
هو اللي كمل:
— قولتلها إن جوازنا كان ميت بقاله فترة.
— وهو مكنش ميت؟ (سألته)
مسكتش ومردش.
وده كان كفاية أوي.
فرح طلعت ورقة.
— بعد طلاقكم بتلات أسابيع، أحمد قالي إنه عايز يبتدئ معايا من جديد. أنا رفضت.
أداتني صورة إيميل.
محققتش في كل كلامه، بس كام سطر كان كفاية:
“اللي كنا بنحس بيه وإحنا عندنا عشرين سنة مابقاش موجود. مكنش ينفع تهد بيتك وتطلق مراتك على أساس إني راجعة عشانك.”
رفعت عيني أبص له.
أحمد كانت عينيه مليانة دموع.
— وريني بتوروني ده ليه دلوقتي؟
فرح اتنهدت.
— عشان النهاردة، بعد الحفلة، أحمد كلمني وهو هيتجنن. قالي إنه اكتشف إن عنده ابن عنده تسع سنين.
بطني اتعصرت.
— برضه ده ميفسرش وجودِك هنا.
— أنا فكرته بحاجة هو كان نسيها.
طلعت ورقة تانية.
كانت صورة رسالة قديمة من أمه.
الحاجة فاطمة القبالي.
تاريخ الرسالة كان بعد طلاقنا بأربع أيام بس.
كانت كاتبة:
“أحسن إن مريم مشيت. دلوقتي تقدر تبدأ نظيف مع حد من مقامنا. لو حاولت تتصل بيك متلمسهاش ومتردش، هي أخدت فلوس كفاية.”
صدري اتردم بالغل.
— أمك كانت بتكرهني، دي مش حاجة جديدة.
— كملي قراية. (قالتها فرح)
تحت الرسالة كان رد أحمد:
“الموضوع انتهى. ومش عايز اعرف عنها حاجة تاني خالص.”
حسيت إن الممر بيضيق عليا.
أحمد حاول يقرب.
— مريم…
— لأ!
رفعت إيدي.
— متجربش تشرح لي أي حاجة!
— لازم تسمعيني!
— أنا سمعت اللي يكفي وزيادة.
فرح غمضت عينيها.
— في حاجة كمان.
ضحكت بمرارة.
— طبعًا، كملي.
أداتني تحويل بنكي اتعمل بعد الطلاق بشهور.
مبلغ كبير لمعاملات تحريات وخبير تتبع.
— إيه ده؟
أحمد رد:
— أنا دورت عليكِ.
بصيت له.
— إيه؟
— بعد ست شهور.. دورت عليكِ.
غضبي اتحول لذهول.
— ليه؟
— لأني ندمت.
ضحكت ضحكة مكسورة.
— ندمت بعد ما فرح كرشتك ورفضتك؟
— اه.
الرد المباشر صدمتي أكتر من لو كان خاف وكدب.
— في الأول اه.. قعدت لوحدي وفهمت إني هديت كل حاجة عشان وهم. بس بعد كده بدأت أفتكر حاجات بيننا.. كوباية الشاي بتاعتك، مشاويرنا، الشغل اللي كنتِ بترميه في الصالة.. وفهمت إني مش بس وحشني الجواز، أنتِ اللي كنتِ وحشاني.
— يا سلام على الرومانسية.
— مش بجمّلها، أنا كنت غبي ومغفل.
— دي الحقيقة الوحيدة اللي قيلتها صح.
كمل كلامه:
— رحت الشقة لقيتها مقفولة ومشيتي. سألت في مكتبك القديم قالوا استقلتِ. أجرت حد عشان يوصلك.
