صدمة التحاليل وسر اخوه – محمد نور
الصدمة كانت أكبر.. العيال دول إيه موقفهم؟ سيف وياسين وحمزة.. الـ DNA ما يمسحش ست سنين تربية وسهر وتعب وتغيير حفاضات واللعب على الأرض!
سيف اللي كان بيجري عليه لما يخاف، وياسين اللي عايز يلبس زيه، وحمزة اللي يناديه بابا..
السر ده أبوه أخد معاه القبر وراحه، بس طارق عاش في الكدبة!
على الضهر.. سيف فتح باب المكتب بالراحة ماسك لعبة الديناصور:
— “بابا..”
طارق رفع راسه: “تعال يا سيف.”
— “ماما بتعيط جوة.. هو انت عملت حاجة غلط؟”
طارق وطى على ركبه وقرب منه: “مهما حصل بيني وبين بابا وماما.. انت مالكش دعوة، انت وأخواتك اغلى حاجة في حياتي.”
— “يعني مش هتمشي وتسيبنا؟”
طارق حضنه وعينه دمعت.. الطفل ده ميعرفش حاجة عن الجينات، بس يعرف إن الراجل ده هو أبوه!
بعد أسبوعين.. طارق طلب تحليل DNA كامل شامل ليه ولأيمن والعيال في معمل كبير.
النتيجة جت:
سيف وياسين وحمزة: ولاد أيمن وشيرين بيولوجياً 100%.
بس كان فيه صفحة زيادة في التقرير.. الدكتور طلب يقابل طارق ضروري.
الدكتور “مجدي” بص لطارق وقال:
— “أستاذ طارق.. انت عملت عمليات أو اخدت كيماوي قبل كده؟”
— “لا.. بس عملت حادثة من سبع سنين.”
— “الحادثة دي سببتلك التهاب شديد، وعلاجك ساعتها كان أدوية ثقيلة عملت خمول كامل في الحيوانات المنوية، بس ده مش عقم خلقي من الولادة!”
طارق اتنطر من على الكرسي: “يعني إيه؟!”
— “يعني التحاليل اللي اتعملتلك قبل الحادثة.. كانت سليمة 100% وكان ينفع تخلف طبيعي عادي جداً! واللي حصل بعد الحادثة كان عقم مؤقت شديد، لكن بالتقنيات الحديثة دلوقتي نقدر نطلع عينات صالحة للإخصاب!”
طارق اتسمر مكانه..
أبوه كدب عليه ولسعه في شرفه وعيلته! أبوه اقنعه واقنع شيرين إنه عقيم من يوم ما اتولد، وضرب التحاليل القديمة عشان يضمن إن العيال ينسبوا لأيمن فوراً من غير ما يستنوا طارق يخف من الحادثة!
بالليل.. طارق جمع شيرين وأيمن وحط قدامهم الحقيقة الجديدة.
شيرين انهارت: “يعني انت كان ينفع تخلف مني عادي؟! يعني أبوك ضحك علينا كلنا؟!”
أيمن نزل راسه في الأرض: “أنا آسف يا طارق.. أبوك أفهمنا إن دي الحقيقة الوحيدة وإننا بننقذ بيتك.”
طارق ما طردش شيرين، وما طلقهاش في ساعتها.. بس الجرح كان محتاج وقت.
أيمن رجع الإسكندرية، وقبل ما يمشي قال لطارق:
