اسعاف مفاجئ – محمد نور
طارق قرب منها وهو مذهول:
— سارة! أنتِ بتعملي إيه؟!
— هات جهاز إنعاش القلب الكهربائي من الجيم فوراً! يلا بسرعة!
نبرة صوتها ما كانش فيها مجال للنقاش أو التردد.
واحد من الموظفين جرى بسرعة. وسارة فضلت مستمرة في عمل تدليك للصدر بكل دقة واحترافية خلت القاعة كلها تسكت وتراقب في ذهول. أول ما الجهاز وصل، حطت اللاصقات الكهربائية على صدره، طلبت من الناس تبعد، ومشيت على الخطوات الطبية بالظبط. بعد ثواني معدودة، حسين بك أخد نفس عميق وشهق بقوة، ونبضه رجع تاني.
مسعفين الإسعاف وصلوا بعديها بفيصل قليل.
واحد منهم سألها وهو بيسمع تقريرها الطبي المتقن:
— دكتورة حضرتك؟
سارة وقفت مكانها وما نطقتش.
سميرة ردت بسرعة وبقرف:
— دي عاملة نظافة هنا.
طارق بصلها ونظراته كانت كأنه أول مرة يشوفها في حياته.
في الليلة دي، طارق طلع لمنطقة الخدمات، ولقى سارة قاعدة تقرأ على السرير الصاج بتاعها.
عينه وقعت على عنوان الكتاب: “طوارئ أمراض القلب والأوعية الدموية”.
— أنتِ مين بالظبط؟
سارة غمضت عينها للحظة، وبعدين بصت له:
— أنا دكتورة.. استشارية أمراض قلب.
السكوت كان سيد المكان.
سارة بدأت تحكيله.. حكت إنه كانت شغال في مستشفى استثماري كبير في الإسكندرية. مريض حالته حرجة مات بعد ما أخد جرعة دوا غلط. التحقيق انتهى بإن التهمة لبستها هي بالكامل. جنائياً ما قدرواش يثبتوا عليها إهمال، بس خسرت شغلها، اترمت برة النقابة وتوقف ترخيصها، وما فيش أي مستشفى أو مركز طبي رضي يشغل “الدكتورة صاحبة ق.ضية الإهمال”.
— جوزي كان شغال في الإدارة المالية والموارد البشرية في نفس المستشفى — قالتها بحسرة — لما المصيبة بدأت، قعد يقنعني إنه جمبي ومش هيتخلى عني. بعد شهرين بالظبط، فضّى حساباتنا في البنك ورفع عليا ق.ضية طلاق.
— وأهلك؟
— بابا وماما متوفيين. وأختي صدقت كل الأخبار والجرايد اللي كتبت عني. في الأول كانت بتكلمني تسألني لو الكلام ده صح ولا لأ، وبعدين بطلت ترد على مكالماتي خالص. بعت عفش البيتي، وبعدين بعت عربيتي، لحد ما بعت كل حاجة أملكها. لما الفلوس خلصت، بقيت أنام في أوض متأجرة باليوم، وفي الآخر بقيت أنام في مواقف الأتوبيسات. أنا ما جيتش موقف عبود عشان أدور على شغل، أنا جيت عشان ده كان آخر تكت قدر تمنه معاي.
