طلاق ورفض الاجهاض – محمد نور
نظره نزل لبطني اللي يا دوب بدأت تبان تحت البالطو:
— تعالي نتغدى مع بعض.
من ثلاث سنين، كنت مستعدة أعيش أسبوع كامل طايرة من الفرحة لمجرد إنه عزمني… بس النهار ده، سحبت إيدي بالراحة:
— ما أظنش إن ده يصح يا أستاذ آسر.
نظرة عينيه بقيت قاسية:
— إحنا مجرد اتطلقنا يا ندى، ما بقيناش أعداء.
بصيت له… يا للغرابة! من ثلاث سنين هو نفسه اللي قال لي عمرك ما تخلطي بين جوازنا والحب، ونازل دلوقتي عاوزنا نفضل أصحاب!
— عندي غممان نفس شديد ومابستحملش ريحة المطاعم —رديت بهدوء.
آسر اتسمر في مكانه، وكأنه افتكر فجأة إني حامل:
— نسيت… أنا أسف.
ابتسمت بذوق:
— ولا يهمك، هطلب أوبر.
جيت أتحرك، قال بسرعة:
— اركبي العربية.
— يا آسر…
— هوصلك لحد البيت.
المرادي وافقت… رفضه مرة واحدة كرامة، لكن رفضه عشر مرات هيبقى كاني بمثل.
طول الطريق كان بيحاول يتكلم، وأنا كنت عارفة بالظبط هو عاوز يسأل عن إيه، عشان كده سبقت وقلت:
— ما تشغلش بالك بالموضوع ده… مش لازم تقلق على العيل.
صوابعه اتشدت على الدركسيون:
— تقصدي إيه بالكلام ده؟
بصيت من الشباك:
— أنا هسقط البيبي.
العربية فرملت فجأة وبقوة قدام الإشارة. لما بصيت له، الراجل اللي عمره ما بيقفل السيطرة على نفسه، كان في عينيه كمية غضب عمرت ما شفتها قبل كده:
— إنتي عاوزة تتخلصي من ابني؟!
برمشت بذهول:
— إحنا لسة متطلقين حالا!
— ده مش رد على سؤالي!
— أمال مستني مني إيه؟ أربيه وأكبره وأنت رايح تعمل عيلة ثانية مع واحدة ثانية؟
فكّه اتشد بغضب:
— مش هيبقى ابن غير شرعي ولا هيتربى بعيد عني!
طلعت مني ضحكة مكسورة:
— يا آسر، إحنا لسة ماضيين على الطلاق علشان الست اللي بتحبها رجعت!
ولأول مرة، لسانه اتعقد وما عرفش يرد.
بصيت لإيديا المضمومة:
— أنا مش هخلي ابني يمر باللي أنت عشته وطول عمرك بتكرهه.
السكوت جوة العربية بقى يخنق… لأن في مصر كلها، قليليين أوي اللي ما يعرفوش سر آسر. أبوه كان متجوز على أمه وعامل عيلة ثانية، وأمه ماتت وهي مستنية الراجل ده يرجع لها، وآسر كبر وهو حالف إنه عمره ما هيخلي ولد من أولاده يعيش نفس الوجع.
افتكرت إن الكلام ده هيفوقه ويرجعه لعقله.
بس لما وصلنا تحت البيت، آسر ما سبنيش أنزل… سنترلوك العربية اتقفل. وبعدين لف لي، وقال ونبرته فيها حدة:
