عشيقة جوزي – محمد نور
الراجل لف وشفت ملامحه في النور.
سامح عبد الله! المحامي المختفي.
— أبويا فين؟!
— سارة، اسمعيني بس…
— أبويا فين يا سامح بدال ما أوديك في داهية!
طارق زنقه في الحيطة بغضب.
سامح رفع إيديه بتردد:
— أبوكي عايش!
ركبي كانت هتخونني وتقع بيا.
— فين؟!
— مستخبي.
— من مين؟
سامح بصل للشبابيك بخوف:
— من حسام الشافعي… عم أدهم!
الاسم نزل عليا زي الصاعقة.
— عم أدهم؟!
— أيوه… حسام بيحاول يستولي على أرض المارينا من سنين طويلة. وأبوكي اكتشف حاجة كان ممكن توديه ورا الشمس وتدمره.
— اكتشف إيه؟
— غسيل أموال… ورشاوى… وشركات وهمية.
طارق سابه بذهول.
— وده إيه علاقته بموت أهل أدهم؟
سامح قفل عينيه وقال بصوت واطي:
— من ست سنين… والد أدهم اكتشف إن أخوه حسام بيسرق شركة الشافعي وبيسرب فلوس لشركات بره. وجزء من الفلوس دي كان عشان يشتري أرض المارينا لحسابه الخاص. والد أدهم طلب المساعدة من بره… والراجل اللي لَجأ له كان أبوكم… جلال الجوهري.
إحنا الاتنين جمعوا أدلة… وقبل ما يقدموها للنيابة، والد أدهم ومراته ماتوا في الحادثة.
الأوراق اختفت من عند والد أدهم… بس أبوكم كان شايل نسخة تانية. ويفضل ساكت طول السنين دي عشان جاله تهديدات صريحة بعيلته وولاده!
— وليه دلوقتي؟ — سألت وأنا بدوخ.
— لأن حسام عرف إن جلال لسه معاه المستندات. والجوازة دي كانت فرصة ذهبية لحسام… ينقل ملكية الشركات، ولما شركة الجوهري تقع، الشافعي تستولي على الأرض والموضوع يتقفل للابد ومحدش يحقق!
رأسي كانت بتلف.
— ونادين؟ نادين شغالة مع حسام؟
سامح تردد:
— مش بالضبط… عيلتها مديونة لحسام بفلوس كثيرة جداً، وهو بيمشيها بدماغه.
كل الخيوط بدأت تتجمع.
الصورة… المستفزة… وجود نادين في القصر…
— أبويا فين دلوقتي؟
سامح كتب عنوان في ورقة.
— انقلوا مكانه فوراً… أنا أظن إنهم كانوا مراقبيني.
وفجأة… النور قطع في البيت كله!
طارق شتم بصوت عالي.
صوت زجاج بيتكسر!
سامح صرخ، وأنا توطيت للأرض بسرعة.
سمعت خطوات رجلين قوية… وبعدين صوت جثة بتقع على الأرض.
ولما نور الطوارئ اشتغل…
لقيت أدهم واقف عند الباب!
وواحد من الحرس بتوعه ماسك واحد من المعتدين ومكتفه في الأرض.
بصيت لأدهم بذهول:
— إنت كنت بتراقبني؟
— كنت بحميكي.
— كلمة حماية دي ألطف شوية من مراقبة.
