اليوم الي اتطلقت منه – محمد نور
— هو حضرتك فكرتي تعملي اختبار حمل؟
ضحكت…
وبعدين الضحكة أختفت من على وشي.
بعد عشر دقايق كنت قاعدة في الحمام ببص على خطين حمر.
إيجابي.
أول فكرة جت في بالي كانت عبيطة أوي:
“أحنا خلاص اطلقنا!”
التانية كانت أنحس وأصعب:
“ده ابن شريف!”
كلمت صاحبتي الانتيم “سارة”:
— انتي حامل من شريف الحسيني؟!
— أيوة.
— قولتيلي؟
— لأ.
— يا شروق، الراجل ده أبوه!
— الراجل ده مابقاش جوزي!
سارة سكتت شوية، وبعدين قالت كلمة كركبتلي الدنيا أكتر:
— كونك مابقيتيش مراته، ده مش معناها ان بنتك مابقيتش بنته!
الليلة دي مانمتش.
فكرت اقوله.
فكرت في المحاميين بتوعه…
في عيلته…
في أمه اللي حتى بعد الطلاق كلمتني تأنبني وتقولي اني طلبت الطلاق “في وقت مش مناسب لشغل الشركة”!
فكرت في شريف وهو بيبصلي بنظرة البصيرة الباردة ديك…
طب افرض طلب مني انزله؟
طب افرض حاول ياخد مني العيل؟
طب افرض اكتشف انه لسه قادر يجرحني ويوجعني بكلمة واحدة منه؟
على وش الفجر أخدت قراري.
أنا هجيب ابني (عايلي).
بس شريف مش هيعرف أي حاجة.
ولما تولد، هبقى أحل موضوع النفقة وحقوق البنت بالقانون وخلاص…
مش عايزة ارجع لحياته.
مش عايزة اسم عيلته.
ومش عايزة اقع تاني في حب راجل قادر يحول طلاقنا لمجرد بند في جدول أعماله!
بعد أربع شهور عزلت لمدينة تانية.
كبيرة كفاية اني أختفي فيها…
وبعيدة كفاية عشان أضمن ان شريف عمره ما هيبقالو سبب يجي هناك.
أجرت شقة صغيرة قريبة من مستشفى.
وفي الشهر الخامس عملت السونار.
الدكتورة قالتلي:
— دي بنوتة زي القمر!
بصيت على الخيال الصغير ده في الشاشة وبكيت…
مش زعل…
خوف!
خايفة ما اكونش قد المسؤولية.
خايفة في يوم من الأيام تسألني عن أبوها.
خايفة اضطر اقولها انه حتى ماكنش يعرف بوجودها!
وأنا في الشهر السادس، سارة جت تزورني ومحملة بشنط هدوم بيبي.
أول ما شافتني، رمت الشنط على الأرض:
— يا شروق، انتي لسه ليكي عين تطلبي وتكلميه!
— لأ.
— في يوم من الأيام هيعرف!
حطيت ايدي على بطني وبطبطب عليها:
— ساعتها هكون عرفت هعمل ايه.
سارة كانت لسه هتترد وتتكلم لما الجرس رن.
بصيت في الساعة…
ماكنتش مستنية حد!
فتحت الباب…
وحسيت ان الدم جمد في عروقي ووشي جاب ألوان!
ماكنش شريف…
كان الألعن منه!
كان واقف قدامي “جمال”، المساعد بتاعه…
نفس الراجل اللي من شهور حاول يديني الكارت الأسود قدام المأذون.
