عزم على اخبارها بكل شيء

الفصل الأول في إحدى المدن الساحلية، كانت تجلس “أنس الوجود” على شاطئ البحر وهي تقوم برسم لوحة جديدة من لوحاتها المبدعة، وبعد أن انتهت شعرت بحزن كبير يهاجم قلبها على حين غفلة، شعرت أن الماضي يلاحقها من جديد وبأن كل ما فعلته لتتجاوز مصيبتها لم ينجح، شعرت بالتوتر الشديد أيضًا فجلست على كرسيها وأخذت ترتشف من كوب القهوة الموضوع أمامها وهي تفكر فيما ستفعله، هل ستنتقم؟! أم تتقبل الأمر الواقع وتنسى كل ما جرحها، تذكرت “زياد” واليوم الذي فاجأها فيه بأنه تزوج عليها. -“أنس” أنتِ فين؟! -أنا هنا في المطبخ يا “زياد” ثواني والأكل يكون جاهز يا حبيبي. -طيب سيبي الأكل دلوقت وتعالي عشان عايزك في موضوع مهم. -حاضر يا حبيبي، اتفضل عايزني في إيه؟! جايب ليا حاجة حلوة مش كده؟! عامل ليا مفاجأة؟! وشك بيقول كلام كتير على فكرة، هتوديني مرسى مطروح نصيف مش كده؟! كانت “أنس الوجود” تثرثر بحب كعادتها لكنه صدمها بمفاجأة كسرت روح الطفلة بداخلها كما حطمت قلبها لأشلاء، نظرت إلى عينيه مطولاً وتنفست الصعداء بعد أن اقتربت منه قليلاً ووضعت يدها على كتفه ثم قالت بدلال: -وحشتني أوي أوي على فكرة، البيت من غيرك في الست ساعات دول ملهوش حس، أنا مش عارفه أنت مخبي إيه، بس حاسة إنها حاجة هتبسطني أوي أو هتصدمني أوي مش متأكدة. نظر “زياد” إليها ثم ربت على كتفها وابتسم ابتسامة باهتة وهو يقول: -احم هو يعني بصي هشرحلك، كنت عايز أقولك أنتِ جميلة أوي أوي يا “أنس الوجود” وجودك دايما بيدخل البهجة على قلبي، بس دايما الحاجة الحلوة مش بتكمل للآخر و… قاطعته بعد أن وضعت يدها على فمه لتقول: -الحاجة الحلوة اللي مش بتكمل يا “زياد” بتكون مش حقيقية، من الآخر بتكون حاجة باهتة وملهاش لازمة، حبنا للحاجة بصدق بيخليها تكمل، إننا نحافظ عليها من أي وجع بيخليها تكمل، وبعدين أنت مش محتاج تكون متردد كل ده عشان تتكلم معايا، مش احنا صحاب! قولي فيه إيه يلا. شعر بالحيرة والتوتر لكنه عزم على إخبارها بكل شيء وليحدث ما يحدث، نظر إلى الفراغ حوله ثم قال ببطء: -بصراحة كده يا “أنس” أنا اتجوزت عليكِ وقبل ما تتكلمي أو تفهميني غلط أنا… شعرت وكأن دلواً من الماء سُكب فوق رأسها فجأة لترد عليه وتقول: -كان قلبي حاسس إن فيه حاجة غلط، وكنت دايمًا بكذب نفسي وبقول لا، “زياد” مستحيل يجي عليكِ مهما حصل. اقترب منها قليلاً وحاول أن يعانقها لكنها ابتعدت عنه وقالت: -لو سمحت متقربش مني، أنا مش عايزة أتكلم في حاجة دلوقت خالص بعد إذنك، “زياد” أنت مش مضطر تبرر أي حاجة ولا تتكلم معايا وتقدر تروح عند مراتك براحتك وتقضي معاها الوقت اللي تحبه المهم تعدل بينا يا زوجي العزيز، بعد إذنك عشان المكرونة لو فضلت كده هتتحرق وفيه حاجات لما بتتحرق مش بنقدر نلحقها مهما عملنا. شعر بالنيران تسري في جسده كله، كيف لها أن تكون بهذا الثبات؟! لم توبخه، لم تشعره أنه فعل مصيبة كبرى، فقط كانت صامتة طوال هذه المدة من أجل العيش في سلام ولم تسأله عن أي شكوك تراود عقلها، يعلم جيدًا كم تكره زوجته المشكلات وتكره أيضًا أن يضعها في مقارنة مع أي أحد، تحب أن تكون مميزة، الأولوية لها أو العدم، نظر إليها مطولاً فأدرك أن عليه الانسحاب الآن؛ لأن كل كلمة ستخرج من فمه ستكون بلا أي معنى، تركها وخرج من الشقة بأكملها، تركها بعد أن كسر قلبها وفتح جرحًا لن يلتئم بمرور الأيام، بعد أن تأكدت “أنس الوجود” من خروجه خرجت من المطبخ وجلست على الأريكة وبدأت في تناول وجبتها المفضلة المكرونة بالوايت صوص، تعجبت من رد فعلها، ولم تنزل منها أي دمعة، لم تصرخ، لم تنادي عليه؛ كي ينجدها من نفسها الأمارة بالسوء ومن الأفكار السامة المتداخلة داخل رأسها، شعرت أنها تعيش أسوأ أيامها وبأن هناك كابوس مزعج حل عليها على حين غفلة ويأبى الرحيل. فاقت “أنس الوجود” على صوت “أماني” صديقتها وهي تنادي عليها وتقول: -“أنس”! أنتِ كويسة؟! بقالي ساعة بنادي عليكِ يا بنتي ولا أنتِ هنا! -ها! معلشي يا “أماني”، حقك علي، أنا بس سرحت شوية. -أنا حقيقي مستغربة أفعالك ازاي بعد كل ده قادرة تعيشي وتتأقلمي بعد ما “زياد” اتجوز عليكِ، للدرجادي بتحبيه؟! تنهدت “أنس الوجود” تنهيدة عميقة ثم نظرت إلى البحر أمامها وقالت: -مش مسألة بحبه على أد ما حسيت بالراحة في قربه، تعرفي يا “أماني” علاقتنا مكنتش عادية، علاقتنا كانت مختلفة وده اللي قهرني وكسرني ووجعني، مكنتش بروح أشتكي لحد منه لما يزعلني كنت بروح أشتكي ليه، لكن ليه يعاقبني بذنب ماليش علاقة بيه! وهو يعني أنا اللي مش عايزة أخلف! ما دي إرادة ربنا. اقتربت “أماني” منها وربتت على كتفها وعانقتها بشدة، وفي تلك اللحظة أجهشت “أنس الوجود” بالبكاء ولم تستطع التوقف، كانت تبكي وكأنها لم تبكِ منذ ولادتها، تبكي على الحالة التي وصلت إليها فهي ضعيفة بفطرتها مهما تظاهرت أنها قوية وأنها لا تعاني من أي شيء، أغمضت عينيها وتمسكت بقوة في عنق صديقتها وتذكرت حديثها مع جدها “صالح” بعد أن عزمت أن تذهب إليه بعد صراعها الداخلي مع ذاتها. فلاش باك. كان يجلس “صالح” في مزرعته الخاصة ليقوم برعاية الخيل وتربيتها، أنشأ مكانًا صالحًا للترفيه عن النفس، كان يأتي إليه الكثير من الناس لزيارة مزرعته وركوب الخيل، كان يعاملهم “صالح” أفضل معاملة لأنه يؤمن جيدًا أن الفعل الصالح يجلب لصاحبه الخير مهما طال الزمن، تحديدًا يوم 5/8/2024 كان يقف برفقة صغيرته “أنس” هذا هو الاسم الذي أطلقه على أنثى الخيل التي أتت لمزرعته مؤخرًا، عندما فوجئ بدخول حبيبته وفلذة كبده “أنس الوجود”، عندما رآها من بعيد شعر أن بها خطب ما؛ مهما تظاهرت أنها بخير، فقد ظهر الحزن على ملامحها البريئة، ترك الخيل وذهب إليها بسرعة وما إن اقترب حتى هرولت إليه وعانقته بقوة، ربت على ظهرها بحنان بالغ وأخذها من يدها ليجلسا معًا في الاستراحة وطلب من مساعده “كريم” صنع الفطائر اللذيذة لها، وبعدها جلس بالقرب منها وقربها إليه قليلاً ورفع رأسها لينظر إلى ملامحها الباهتة، وإلى وجهها الذي ينطق بالكثير، تنهد تنهيدة عميقة ثم قال: -هو فيه قمر يزعل برضه بالشكل ده؟! مهما حصل يا “أنس” مينفعش تزعلي كده، وأنا بقول المهرة بتاعتك زعلانة ليه! أتاريها بتحس بيكِ قبلي. حاول “صالح” تلطيف الجو قدر المستطاع لكنه لم يفلح، فنظر إلى عينيها بعمق ثم قال: -تعالي في حضني يا حبيبة جدو وعرفيني فيكِ إيه؟! قوليلي إيه وصلك للحالة اللي أنتِ فيها دي! اوعي يكون “زياد”! ده لو هو هيبقى يومه مش معدي. مسحت دموعها ثم قالت بهدوء مميت: -اتجوز عليا. شعر “صالح” بالصدمة من كلمتها فأدرك أن الألم هذه المرة لن يلتئم بسهولة؛ خصوصًا أن حفيدته حساسة للغاية وأقل كلمة تؤثر فيها، حاول جاهدًا إيجاد الكلمات المناسبة ليهون عليها، رفع رأسه للسماء وكأنه يناجي الله أن يلهمه الصواب وأن يخفف أي ألم تشعر به قرة عينه، تنهد تنهيدة عميقة ثم قال بصبر: -وهو “زياد” يعمل كده من نفسه برضه يا “أنس”! أكيد والدته اللي فضلت تزن عليه، مش بعيد تكون هي اللي جايبة ليه العروسة بنفسها، أنتِ عارفة كويس يا بنتي إنها أم ونفسها تشوف أحفادها وتفرح، وزي ما أنتِ عارفة ده شرع الله ومش حرام ولازم تتقبلي الأمر الواقع، ولو عايزة تنفصلي أنا هتكلم معاه، بيتك هنا مفتوح لك في أي وقت. انتهى “صالح” من حديثه وهو ينظر إليها جيدًا ويحاول جاهدًا أن يخمن ردة فعلها لكنها صدمته كعادتها وقالت: -أنا مش عايزة أطلق، أنا بس صعبان عليا نفسي ليه ممهدش ليا الطريق الأول، ليه قرر يكسرني بسهولة كده وهو أقرب ليا من نفسي يا جدي، أنت الوحيد اللي بتفهمني وعارف إن بنتك مش متهورة ولا ممكن تخرب بيت حد، بس كل المشكلة إن محدش يعرف الحقيقة ولا حد يعرف أنا خبيت إيه طول السنتين اللي فاتوا دول. تعجب “صالح” مما سمع وانتظر أن تخبره “أنس الوجود” بمعنى حديثها لكنها فضلت الصمت على البوح وقالت: -أنا مقدرة كويس إن حضرتك قلقان عشاني بس كل اللي محتاجة ليه دلوقتي إنك تطمني زي زمان، وصدقني أول ما يجي الوقت المناسب هقولك على كل حاجة. ابتسم “صالح” لها بحب؛ ها هي صغيرته أصبحت شابة في الـ 23 من عمرها، لا يدري كيف مرت الأيام بهذه السرعة، تذكر يوم زفافها بعد أن أصرت أن يكون الزفاف مقتصرًا على العائلة فقط، كما أنها قامت بشراء قماش الفستان وتفصيله عند جارتهم “ليلى” فهي مبدعة ومتميزة في صنع فساتين الزفاف، كما أنها أصرت على عدم وضع مساحيق التجميل فهي جميلة دون أي شيء، أرادت أن تقف جوار زوجها “زياد” بشتى الطرق لتوفر له المال الذي سيهدر في اللا شيء، تذكر أيضًا لحظة كتب الكتاب وهو يقف جوارها ويبكي لأنها ستفارقه، وفي تلك اللحظة اقترب من “زياد” وقال: : -مش هوصيك يا “زياد” “أنس الوجود” تحطها في عينك، أنت دلوقتي متجوز بنتي مش حفيدتي، ولو في يوم زعلتها صدقني مش هتشوفها تاني، أنت واخد كنز يا ابني فحافظ عليه، وكل ما تتقي الله فيها هتوريك أيام جميلة وحلوة، عارف حتى لو جيت عليها هتلاقيها هادية في تصرفاتها ومش زي بنات الأيام دي، أنا واثق فيك لأنك كنت اختيار ربنا ليها ومش اختيارها أبدًا. ابتهج “زياد” بعد أن تم عقد القران واقترب من زوجته وحبيبته وقربها منه وهو يرد على جدها ويقول: -دي في عيني يا جدي، وإن شاء الله عمري ما هزعلها خالص. نظر “صالح” إليه بطرف عينه وقال: -طيب شيل إيدك يا حلو من عليها أحسن لك، وبلاش تقربها منك أوي كده لأحسن أرجع في كلامي. نظر “زياد” إلى محبوبته بحب وقال بهيام: -دي وردة فؤادي يا جدي، أخيرًا الأوزعة دي بقيت بتاعتي، هي أي نعم مش ظاهرة من الأرض بس ولو ولو بحبها، فرق الطول بينا باين ولا نبين أكتر. ضحكت “أنس الوجود” على حديثه ثم قالت: -أنا مش أوزعة على فكرة، أنا جاية لحد قلبك بالضبط، عشان لو فكرت في يوم كده ولا كده تخوني أعرف وساعتها بس هعمل منك لحمة مفرومة. ابتسم الجميع وفرحوا بميلاد قصة حب جديدة بين “أنس الوجود” و “زياد” وتمنوا لهما حياة مليئة بالسعادة والحب، انصرف الكل وتركوا العروسين معًا وسط مزرعة الجد “صالح”، لكن يبقى سؤالنا هل البداية الجديدة يكون لها نهاية سعيدة أيضًا؟! أم تأتي الرياح بما لا تشتهي السفن! فاقت “أنس الوجود” من شرودها على صوت “أماني” وهي تقول: -“أنس” أنتِ لازم تاخدي قرار جد بقى، لازم تعرفي الكل.. الجزء الثالث: الحقيقة، مينفعش تسمحي لناس يجوا على كرامتك ويدوسوا على حقك بالشكل ده. ابتسمت بشكل عفوي ثم عقبت على حديث صديقتها وقالت: -لا يا “أماني” مش معنى إنهم ظلموني إني كمان أعمل كده، احنا مش بنرد الإساءة بالإساءة، احنا بنفوض أمورنا لربنا وهو بيرجع لينا حقنا بكل عدل ومساواة. -ونعم بالله، بس برضه يا أنس لازم الكل يعرف. شعرت بالحيرة والتوتر فلو كشف الأمر لن يكون هينًا على صاحبه لكنها فضلت الصمت على البوح وتركت الأمور تسير كما يشاء الله. الفصل الثاني في منزل عائلة “زياد” كانت تجلس “أنس الوجود” برفقة والدة زوجها ويتجاذبان أطراف الحديث، قالت “مريم” بصوتٍ عالٍ: -إيه يا “أنس” مش ناوية تفرحينا ولا إيه؟! عدى ست شهور على جوازك ولا حس ولا خبر عن الحمل، لو فيه حاجة يا حبيبتي لازم تتحركي وتروحي وتكشفي، احنا عايزين نفرح بيكم بقى. ابتسمت لها بود وقالت بصدر رحب: -ما تفرحوا بينا يا طنط كده، ولا لازم يكون فيه سبب الفرحة يعني! وعلى كل حال إن شاء الله ربنا يكرمنا بالذرية الصالحة. نظرت إليها “مريم” بضيق ثم قالت: -لحد امتى هتفضلي تقوليلي يا طنط! مش اتفقنا تقوليلي يا ماما؟! شعرت “أنس الوجود” بالكسرة والحزن وقالت بصوت منخفض: -اعذريني يا طنط مش هقدر أعمل كده، بعد وفاة بابا وماما وأنا مقدرش أقول لحد غيرهم كده ولا قادرة أتجاوز غيابهم، اعذريني. نظرت إليها “مريم” ثم قالت بنفاد صبر: -الموضوع ده بقاله زمن، أنا لما كنت عايشة مع حماتي الله يرحمها كنت بعملها اللي تعوزه ومكنتش بضايقها بأي كلمة. شعرت “أنس الوجود” بالضيق من حديث حماتها وقررت التحدث بثبات أكثر: -حضرتك محترمة يا طنط طول عمرك، ربنا يبارك لينا فيكِ، بس زي ما حضرتك عارفة كل شخص ليه قدرة على التحمل والصبر، ودي مقدرتي وربنا مبيكلفش حد فوق طاقته، بعد إذنك هقوم أطلع أعمل الغدا لـ “زياد” عشان قرب يجي من شغله. -قومي يا حبيبتي قومي، لما نشوف آخرتها معاكي. خرجت “أنس الوجود” من غرفة المعيشة وهمت بالطلوع إلى شقتها في اللحظة التي رأت فيها جارتهم “مي” تلقي التحية عليها وتدخل إلى حماتها، تمنت داخلها في تلك اللحظة أن يمر اليوم على خير وألا تحدث أي مشاجرة بينها وبين زوجها، لكنها تذكرت بعد أن وصلت إلى باب شقتها أنها نسيت هاتفها بالأسفل فقررت النزول مرة أخرى وإحضاره، نزلت على مهل، فسمعت صوت حماتها وجارتهم ومعهما زوجة “أمجد” شقيق “زياد” يتحدثون بصوتٍ عالٍ عنها، سمعت حماتها وهي تقول: -أنا مش عارفه ابني بيحب فيها إيه! دي واحدة مبتخلفش، دي الواحدة مننا زمان يا “مي” ياختي كانت من تاني شهر جواز تكون حامل وكمان تشيل البيت كله فوق كتفها، عندنا مرات “أمجد” ابني أهي زي الفل ومعاها دلوقت بسم الله ما شاء الله أربع عيال والخامس في السكة، يالا لو فضلت كده لازم أخلي “زياد” يتجوز بنت خالته ونفرح بيه وأهو ربنا وقتها هيكرمه منها على طول. سمعت “أنس الوجود” حديثهم فشعرت بالصدمة والقلق، كيف لها أن تذكرها بالسوء هكذا! وهي امرأة مثلها! وجدت هاتفها في المطبخ فأخذته بسرعة وهرولت إلى شقتها وما إن وصلت حتى دخلت إلى غرفتها وبحثت بسرعة عن رقم جدها “صالح” واتصلت به وما إن رد حتى أجهشت بالبكاء وقالت بصوت مبحوح: -الحقني يا جدي، أنا حقيقي مبقتش قادرة أستحمل تلميحات حماتي السخيفة، واللي زاد وغطا سمعتها بتتكلم مع واحدة جارتنا عني بالسوء وكمان عايزة تجوز ابنها، أنا حقيقي مش عارفه هي ليه بتعاملني كده! ليه مش بتعتبرني زي بنتها؟! ليه الحياة قاسية كده يا جدي! أنا مستغربة من أفعالها، كانت وقت الخطوبة بتعاملني كويس بس تقريبًا ده كله جر رجل، وأول ما اد بست ظهرت على حقيقتها. رد “صالح” بهدوء: -اهدي يا حبيبتي بس وإن شاء الله كل حاجة هتكون بخير، المهم إن “زياد” كويس معاكي وبيحبك، ولا هو كمان بيضايقك بسبب موضوع الخلفه ده؟! -بصراحة لا يا جدي، حتى مفكرش إننا نروح لدكتور ولا حاجة، أنت عارف إن الجواز مش جوزي بس، لا ده جوزي وعيلته كلها، وأنا بتأثر من أقل كلمة، أنت عارف أنا كنت متعقدة ازاي من فكرة الجواز كلها، بس هو اتقدم ليا كذا مرة وقت لما شافني في المزرعة بتاعتك وعملت بنصيحتك وقررت أعطيه فرصة. تنهد “صالح” تنهيدة عميقة ثم قال: -عارف يا حبيبتي وفاكر كل ده بس أنا مش عايزك تزعليه ولا تظهري ليه أي حاجة مهما كانت دي والدته، وإياكِ يا “أنس” تتكلمي معاها بأسلوب حاد، أنتِ متربية ومينفعش مهما حصل نتكلم بأسلوب وحش يا حبيبتي. نظرت إلى الفراغ من حولها ثم قالت: -ومن امتى وأنا برد يا جدي، بس حاضر هسمع الكلام، أنا مش عارفه من غيرك كنت هعمل إيه بجد، أنت ضهري وسندي وحياتي كلها، أنت ضلي اللي بيحميني من أي حاجة وحشة تقرب مني. شرد “صالح” في اللا شيء وتذكر يوم وفاة ابنته وقرة عينه “منيرة” وزوجها ليتركوا له فلذة كبده “أنس الوجود” وهي في الصف السادس الابتدائي ليأخذ وقتها عهدًا على نفسه بألا يتركها وحدها وأن يهتم بها ويساندها في كل صغيرة وكبيرة تخصها، تذكر ذلك الحادث المؤلم الذي مرت به وهي صغيرة عندما هم أحد الشبان بالاقتراب منها وملامسة جسدها بعد خروجها من المدرسة في وضح النهار ليقترب منه وقام بضبة وتحرير محضر بقسم الشرطة ضده، لم يدعه يلمس أي جزء منها، لكن تلك الذكرى تركت أثرًا سلبيًا داخلها ومن يومها وهي تكره الرجال أو لنقل بصدق أشباه الرجال، ومن يومها وهو يعلمها كيف تحمي نفسها من أي أحد، علمها أن الحياة ليست وردية، بل فيها قسوة لن تنتهي إلا بقيام الساعة، علمها أن البشر يمثلون الحب أيضًا وهم يحملون لك الحقد والبغض داخل أفئدتهم، تذكر أيضًا ذلك اليوم الذي دخل فيه عليها غرفتها ليراها تبكي دون توقف، اقترب منها وقام بعناقها وقال: -مالك بس يا حبيبتي؟! فيكِ إيه؟! نظرت إليه بحزن والدموع تنهمر من عينيها وقالت بصوتٍ مبحوح: -أنا مش قادرة أتجاوز وفاة بابا وماما يا جدو، مش قادرة أنسى اليوم ده نهائي، أنا مش متخيلة إني كنت همو/ت معاهم لولا تعبك وإني فضلت معاك عشان أخلي بالي منك، المو/ت قريب أوي مننا يا جدو، في لحظة ممكن ياخد أي حد بنحبه. ربت على كتفها ببطء ثم قال: -الدنيا اختبار يا “أنس” والشاطر اللي يعدي منه بعد توفيق ربنا، احنا هنا في الدنيا يا حبيبتي ومسيرنا هنقابل ابتلاءات كثيرة، لازم نصبر ونحاول نكون أقوى مرة واتنين وتلاتة، وافتكري ربنا مش بيكلف حد فوق طاقته. نظرت إليه بشرود وقالت بحزن: -بس البلاء صعب أوي أوي يا جدي، وكمان الناس وحشة خالص، أنا أهو بقيت كبيرة بس لسه بخاف منهم خصوصًا الولاد وتفكيرهم الشيطاني تجاه أي بنت، ربنا يسترها. أمسك “صالح” يد حفيدته بقوة وقال: -أنا واثق فيكِ، واثق أكتر إنك هتقدري تعدي كل ده، اللي مع ربنا عمره ما بيضيع. فاق “صالح” على صوت “أنس الوجود” وهي تنادي عليه بصوتٍ عالٍ: -جدو أنت رحت فين؟! بقالي ساعة بكلمك وأنت ولا هنا! تنهد “صالح” بعمق ثم قال: -معلش يا حبيبتي سرحت شوية، المهم خلي بالك من بيتك وجوزك واعرفي اللي أنتِ فيه ده مجرد اختبار والله أعلم امتى هيخلص. -أنا صابرة والله ومش معترضة على قضاء ربنا، يالا يا حبيبي أنا هقفل دلوقت وهكلمك بعدين عشان “زياد” جيه من الشغل، مع السلامة. أغلقت “أنس الوجود” الهاتف وفتحت الدولاب الخاص بها وأخرجت فستانًا قصيرًا بعض الشيء باللون الأسود وارتدته ورشت المعطر المفضل لزوجها وتركت شعرها الطويل خلفها وخرجت إليه بعد أن رسمت ابتسامة واسعة على ثغرها وقالت: -حمدًا لله على السلامة يا حبيبي. نظر إليها “زياد” بانبهار وقال: -الله الله، إيه الحلاوة دي، أنا شكلي دخلت مدينة ديزني لاند بالغلط ولا إيه يا ولاد! نظرت “أنس الوجود” إليه بغضب طفولي ثم قالت: -والله! بقى كده؟! طيب أنا زعلانة على فكرة. ضحك “زياد” على طريقتها ثم قال: -أنا ميهنش عليا زعلك يا ست الستات، إيه الجمال والحلاوة دول بس! أميرة من أميرات ديزني لاند يا ولاد، اللهم بارك. شعرت بالسعادة من مدح زوجها لها، وفي تلك اللحظة اقترب منها وحملها وعانقها بشدة وقال: -الحضن ده أساسي على فكرة، بعد كده تيجي من نفسك لحضني يا “أنس”، وجودك بيطمني دائمًا، ربنا يديمك ليا. ربتت على ظهره ثم قالت بابتسامة مرحة: -على كده أنا مسكن قوي وفعال بقى، أنا كمان بحب حضنك يا “زياد”، معاك بحس بالأمان والطمأنينة، بصراحة كده بحس إن الدنيا لسه بخير. نظر إلى عينيها وقال بحب: … -أهو الأمان والاستقرار أنا لقيتهم فيكِ، الواحد طول عمره بيفضل يعافر ويجري هنا وهنا وفي الأخير بيكتشف إن الأمان وسط عيلته وأسرته اللي ربنا بيختارهم ليه، تعرفي أنا مكنتش ناوي أخطب دلوقتي رغم إن سني خلاص بقى 28 سنة، بس لما شوفتك قلت بس هي دي! ربنا يخليه لينا جدو هو السبب، أنتِ عارفة إني بحب الخيل والمكان ده كان ترشيح من واحد صاحبي، جدك ده راجل طيب ويستاهل كل خير. -آه يا حبيبي، هو دايمًا بيقولي الإنسان الطيب مهما اتأذى من الناس يكون طيب برضه عشان جزاءه بيكون مختلف عن أي حد، وهو يا حبيبي كان محترم وطيب ولسانه مش بينطق بأي حاجة وحشة، إيه ده يا “زياد” فيه صوت حد بيصوت قوم شوف فيه إيه وأنا هلبس عبايتي وخماري وهاجي وراك بسرعة. هرول “زياد” بسرعة إلى الطابق الأرضي ليجد والدته تصرخ بصوتٍ عالٍ وتتألم بشدة وتشير إلى قدمها، وجوارها زوجة “أمجد” واقفة كالتمثال بلا حراك، فقط تشاهد ما يحدث، اقترب منهما “زياد” والشرر يتطاير من عينيه ناحية زوجة أخيه لكنه تجاهلها وحمل والدته بسرعة إلى سيارته ووضعها في المقعد الخلفي بجوار زوجته وانطلقوا ناحية أقرب مستشفى. ”أحيانًا فعل الخير يجلب لك المصائب، فاحذر من أحاديث الناس السامة وتجاهلهم، فالبعد عنهم غنيمة والاقتراب منهم ان(تحار” الفصل الثالث والأخير كانت تجلس “أنس الوجود” في غرفتها في مزرعة جدها، عندما دق الباب ليستأذن “صالح” ويدخل عليها ويقول: بنتي كبرت أخيرًا وبقيت أجمل عروسة، جايلك عريس كويس على دين وخلق يا ست “أنس”، والمرة دي ملكيش حجة ها، شاب طول بعرض وأطول منك كمان وضحكته يعني شبهك. نظرت “أنس الوجود” إلى جدها بتفحص فعلمت أنه موافق على ذلك الشاب ويريد أيضًا موافقتها عليه، اعتدلت في جلستها ثم قالت: وهو مين ده اللي أمه داعية عليه ده يا جدي؟! لا حول ولا قوة إلا بالله، هياخد زوجة الدنيا والآخرة فنانة، الفنانة ”أنس الوجود” يااه وكمان هرسمه ببلاش! ده شكله محظوظ أوي. ابتسم “صالح” على حديث حفيدته وقال: نتكلم جد بقى شوية، الولد من عيلة محترمة ودخل البيت من بابه وبصراحة بقى مش شايف فيه عيب، بيصلي ومش بيشرب سجاير ولا مخدرات، شايف مصلحته وعنده وظيفة خاصة بيه، وشكله كده وقع في غرام بنتي. وقفت “أنس الوجود” في حركة مسرحية ودارت حول جدها وعدلت ياقة قميصها ثم قالت: وهو احنا أي حد ولا إيه؟! ده أنا “أنس الوجود” وأوقع أي حد في غرامي، المهم أنا أرضى على مين، ولا إيه يا صالح ها. ضحك على أسلوبها وأمسكها من قميصها من الخلف كما لو أنه يمسك قطة صغيرة لا حول لها ولا قوة ليقول: صالح حاف كده؟! أنا برضه مكنش ينفع أدلعك، عاجبك دلوقتي وأنا ماسكك زي القطة كده يا ست “أنس”! نظرت إليه بتوسل واستعطاف أن يتركها وقالت: بدلعك، وهو يعني مش من حقي أدلعك! ولا مش من حقي! ده أنتَ حبيبي الأول وأيًا كان الشخص ده هيكون الثاني عشان تكون عارف بس، أنتَ لسه صغير يادوب هما خمسين سنة، احم أنا أصلاً بدورليك على عروسة يا حبيبي. أنزلها “صالح” وهو يقبل وجنتها بحبور وهو يقول: طول عمرك لمضة يا “أنس” ودايمًا بتغلبيني في أي حاجة، يالا عشان أنا واقع من الجوع وعايز أتعشى وبعد العشا عايز كوباية شاي حلوة من إيديكِ الحلوين دول ونتكلم جد بقى. اقتربت “أنس الوجود” منه ثم قالت بمرح: هاي هاي كابتن، ثواني والأكل يكون جاهز ونقعد في الجنينة في الهواء الطلق، انزل وأنا هنزل وراك حالًا. في مكان آخر تحديدًا في منزل “زياد” كان يجلس جوار والدته ويشعر بالتوتر الشديد لأنه يعلم أنها لن توافق على زواجه من أحد غير ابنة خالته، لكنه تحلى بالشجاعة وابتسم وقال بصدر رحب: ماما أنا الحمد لله قررت أكمل نص ديني، ولقيت بنت الحلال اللي معاها هكون سعيد ومبسوط. شعرت والدته بالسعادة في تلك اللحظة وهمت أن تملأ المنزل كله بالزغاريد لكنها توقفت ما إن سمعت باقي حديثه: البنت دي اسمها “أنس الوجود” حفيدة عمي “صالح” اللي عنده مزرعة للخيل في المدينة اللي جنبنا على طول. نظرت إليه بغضب وقالت: أنتَ اتجننت يا “زياد” عايز تتجوز واحدة منعرفهاش! أنتَ عارف كويس إن سلو عيلتنا ناخد من بعض، أنتَ عايز تكسر القواعد بتاعة عيلتنا؟! تأفف “زياد” ثم قال بثبات: يا أمي أنا مش شايف بنت خالتي مناسبة ليا، وبعدين إنتوا ناس دقة قديمة ونص جوازات العيلة كلهم كانوا مكملين وهم مضطرين وطبعًا مينفعش ينفصلوا عشان الناس متأكلش وشنا، أنتِ يهمك إني أكون مبسوط وسعيد، وصدقيني لما تعرفي البنت اللي اختارتها هتوافقي وهتحبيها خالص بجد. انتهى “زياد” من حديثه في اللحظة التي دخل فيها “أمجـد” شقيقه الكبير، حمحم ثم قال: -ما تسيبـي “زياد” براحته يا مـامـا، سبيـه يختار اللي قلبه مال ليها وكده كده فيه فترة خطوبة يعرفوا بعض فيها، بلاش تخليه يكمل مصير عيلتنا، أنا أهو أكبر مثال مش مرتاح ولا مبسوط في جوازي، حتى مراتي مش بتريحك ومعرفش حضرتك بتحبيها على إيه! أنا والله حاسس إن “زياد” لو اتجوز البنت اللي هو عايزها وعملت لك كل حاجة ترضيكِ مش هتحبيها برضه لمجرد إنها مش على هواك ولا من عيلتنا. نظرت والدته إليه بغضب ثم تأففت بنفاد صبر وقالت: -اعملوا اللي أنتم عايزينه، وكل واحد يتحمل نتيجة أفعاله، أنا مش مسؤولة بعد كده عن حد، الواحد هيعيش كام مرة يعني! قالت آخر كلمة وتركتهما وغادرت الغرفة، اقترب “أمجـد” من “زياد” وربت على كتفه ثم قال بحنان: -متزعلش منها يا “زياد” أنت عارف اللي فيها كويس، المهم لو البنت دي كويسة توكل على الله واعمل استخارة وربنا يقدم لك اللي فيه الخير. نظر “زياد” إلى الأرض ثم قال بصوت خفيض: -احم بستخير بقالي شهر، وبصراحة مقتنع بيها جدًا جدًا، حاسس إنها شبهي، دي كمان خريجة كلية فنون جميلة يعني هترسمني ببلاش وحاجة آخر دلع الصراحة. فكر “أمجد” قليلًا ثم قال: -شوف يا “زياد” الحياة مش وردي، الجوازه مسؤولية كبيرة خد بالك، عمومًا أنت اللي شايف الموضوع واحنا كمان هنسأل وربنا يقدم اللي فيه الخير. عودة مرة أخرى إلى “أنس الوجود” وصديقتها “أماني”. -“أنس” أنتِ لازم تواجهي “زياد” وتعرفيه كل حاجة، أنتِ بتحبيه وهو كمان بيحبك وبعدك عنه بالشكل ده مش حلو ولا قاعدتك في المزرعة هتفيدك. -أعمل إيه يا “أماني” هو اللي اختار، صدقيني أنا عملت كتير عشانه وفي الأخير النتيجة صفر، تعرفي أنا لسه فاكرة لما روحت مع مامته المستشفى لما رجلها اتكسرت، وقتها حسيت بالقهر على حالي، الست دي طول عمرها متصنعة، كانت بتسأل عن مرات “أمجد” وأنا اللي واقفة جنبها كإني هوا مش موجود، الغريب في الأمر يا صاحبتي إن مرات “أمجد” بتعاملها وحش جدًا جدًا، حقيقي الواحد بيستغرب من أفعال الناس، بس على العموم أنا لسه محتاجة شوية وقت عشان أخد قراري الأخير، عشرة سنتين هانوا عليه عادي وأهو دلوقت بقاله سنة متجوز عليا، رغم إنه بيحاول يرجعي بس أنا مش عايزة، مش عايزة أكون متاحة طول الوقت وحقي مهدور يا “أماني”، هو لازم يعرف إن ليا ضهر وسند. ربتت “أماني” بلطف على كتف “أنس الوجود” وقالت: -عندك حق، أوقات الإفراط الزيادة والعطاء بيعلم الناس ازاي تستغلك، المهم عايزاكِ تعملي الصح وبس. في عيادة الدكتورة “حنان الخميسي” كانت تجلس على مكتبها وتراجع بعض التحاليل الخاصة بـ “زياد” وزوجته “ندى”، نظرت بتمعن إلى الأوراق التي في يدها وطلبت من “زياد” الحديث معه بمفرده. -معلشي يا مدام “ندى” هستأذن حضرتك تتفضلي برا شوية، ومعلشي يا أستاذ “زياد” كنت حابة أتكلم مع حضرتك على انفراد. شعر “زياد” بالقلق والتوتر على زوجته “ندى” لكنه طلب منها الانتظار في الخارج قليلًا وسيلحق بها. نظر “زياد” إلى الطبيبة وقال: -خير يا دكتورة “حنان”؟! هي مراتي كويسة؟! حضرتك قلقتيني، خصوصًا إن الحمل اتأخر المرة دي برضه وأنا مش عارف السبب. عدلت “حنان” نظارتها ثم نظرت إليه بعمق وقالت: -بصراحة أنا مستغربة إنك جيبت مراتك التانية عندي وأنت عارف كويس أنا بعز “أنس الوجود” ازاي وبعتبرها بنتي مش مجرد مريضة عندي، وده بحكم معرفتي بيها وبجدها وبأهلها الله يرحمهم، بص يا “زياد” أنتَ خسرت “أنس الوجود” لما قررت تتجوز عليها سواء ده بمزاجك أو غصب عنك. نظر “زياد” إليها بعصبية ونفاد صبر: -ممكن حضرتك تفهميني فيه إيه؟! أنا مش جاي أخد محاضرة هنا. -تمام زي ما تحب، حضرتك العيب مش من “أنس الوجود” ولا من زوجتك الثانية “ندى”، العيب منك أنتَ، ونسبة إنك تخلف من واحدة منهم ضعيفة لكنها مش مستحيلة، “أنس” تعرف الموضوع ده من أول مرة جيتوا ليا فيها لكنها حلفتني مقولش ليك أي حاجة، وإنها هتعيش وتتحمل أي كلمة سخيفة تتقال ليها من أهلك قصاد إنك تكون سعيد ومبسوط في حياتك. شعر “زياد” بالصدمة الكبرى التي حلت فوق رأسه، هل حقًا تحملت الكلام السام لأجله؟! هل تمسكها به للآن يعني أنها تحبه وبشدة! هل ظلمها أم ظلم نفسه بتسرعه وبزواجه من غيرها! شعر أن هموم العالم اجتمعت كلها في قلبه، تذكر حديثها العذب عندما علمت أن هناك مشكلة في حدوث حمل الآن، كانت تهون عليه في كل صغيرة وكبيرة، كانت تدعمه لكن جزائها منه كان خسارتها! لكن هل تكون خسارة أبدية أم يمكن للود أن يعود من جديد وأفضل مما كان عليه، خرج “زياد” من عند الطبيبة وأخذ زوجته “ندى” وتوجها معًا ناحية المنزل، وما إن وصلا حتى دخلت عند والدته وقالت بصوتٍ عالٍ: -خالتي أنا عايزة أطلق ودلوقتي، أنا مش هقدر أستحمل أعيش مع واحد مبيخلفش، كمان مش معيشني نفس المستوى اللي كنت بحلم بيه ودايمًا بيصبرني بكلام ملهوش أي أساس من الصحة، وآه يا “زياد” عشان متستغربش أنا سمعت الدكتورة وسمعت كل حرف قالته والصراحة عندها حق، فيه ناس لما بنخسرهم خسارتهم بتكون للأبد، أنت عايز واحدة تصبر عليك وتتحمل ظروفك المادية بس الشخص ده مش أنا، يا ريت تطلقني ودلوقتي. شعر “زياد” بالنيران تغلي في أوردته، اقترب منها وكاد يضبها لكنه لم يقدر؛ هو رجل والرجال لا تهين الإناث، كانت “أنس الوجود” تذكره كيف يعامل النبي صلى الله عليه وسلم زوجاته وبأن المرأة بفطرتها ضعيفة والرجل الصالح هو سندها في الحياة، تراجع للخلف وتنهد تنهيدة عميقة ثم نظر إليها بغضب وقال: -أنتِ طالق يا “ندى”، طالق بالتلاتة. لفظ كلماته وخرج على الفور من المنزل وقرر الذهاب إلى ركنه الآمن ومستودعه الخاص، قرر الفرار من ألاعيب الدنيا إلى بئر حبها ليرتوي من ظمأ اشتياقه لها، ذهب إليها لكنه لم يجدها فقط وجد الجد “صالح” وهو يطعم فرسه “أنس”، صفحة 51 اقترب منه وهو ينظر إلى الأرض بخجل ويقول: -جدي الغالي، عامل إيه؟! نظر “صالح” إليه بتمعن ثم قال: -الحمد لله يا “زياد”، أنتَ اللي عامل إيه؟! ومبسوط في الجوازة الجديدة؟! تنهد “زياد” بحزن ثم قال: -خلاص مفيش جوازة تانية أنا خلاص طلقتها، وقررت أبعد برا البيت خالص وأخد شقة لـ “أنس الوجود” ونعيش حياتنا بعيد عن الناس. اقترب منه “صالح” ثم قال بهدوء: -وتفتكر الجرح ممكن يلم بسرعة خصوصًا لو جيه من أقرب الناس لينا؟! والشخص اللي بنكون مش متوقعين منه الأذية؟! نظر “زياد” إلى اللاشيء ثم قال: -المحبة الصادقة قادرة ترجع كل حاجة، أنا والله لو لفيت الدنيا كلها مش هلاقي زي بنتك، كانت بتقدرني دايمًا وتحتويني، عرفت تربي صح يا جدي. فكر “صالح” قليلًا ثم قال: -وتفتكر هي هتسامحك؟! شوف يا “زياد” أنا مش هعيش ليها العمر كله، ولا هقدر أشوف دموعها تاني، المرة الأولى أنت أخدتها بإرادتي رغم إن ده كان صعب عليا، المرة دي صدقني قربك منها هيكون صعب، وأنت وشطارتك، وريني هتثبت ازاي إنك بتحبها. الحزن ملأ قلبه في تلك اللحظة، معه حق هو من جرحها صفحة 53 وكسر فؤادها والعودة لن تكون سهلة يسيرة، لكنه سيحاول جاهدًا أن يخفف ألم قلبها ويعودا إلى سبق عهدهما، نظر “زياد” إلى “صالح” مرة أخيرة ثم ذهب، قرر الذهاب إلى مكانها المفضل عله يجدها، ذهب إلى الشاطئ فوجدها تجلس مع صديقتها المقربة “أماني” وما إن رأته “أماني” حتى قررت الذهاب وتركهما بمفردهما لعل الحب يعود مرة أخرى وترجع الابتسامة الحقيقية إلى صديقتها، اقترب “زياد” منها وقام بعناقها وهي لم تمانع بل أجهشت في البكاء وقالت بصوت مبحوح: -ازاي هونت عليك طول المدة دي كلها، مبسوط من غيري؟! قدرت تنسى كل حاجة حلوة؟! ضمها أكثر وتركها تعبر عن حزنها كما تشاء ولم يقدر على صفحة 54 البوح بكلمة واحدة، منذ علمت بخبر زواجه وهي قررت الذهاب والعيش مع جدها “صالح”، لم تطلب الطلاق، كان لديها أمل أنه سيعود نادمًا على فعلته وبالطبع ستغفر له زلاته؛ لأنها متيمة به، تعلم جيدًا أنه لن يكسر لوالدته كلمة ولو على حساب نفسه، لكن ما ذنبها! ما ذنب امرأة عشقت ولم تتلق سوى الخذلان، شعرت بالطمأنينة في حضرته وتعجبت من حضوره؛ ففي اليوم الذي قررت فيه البوح عن مكنون صدرها وما يؤلمها جاء هو ليربت على قلبها ويهون عليها علقم لياليها، نظرت إلى عينيه مطولًا فعلمت أنه علم الحقيقة بأكملها وأنه رجع إليها… لكن ما مصير زوجته تلك؟! صفحة 55 في منزل “زياد”، كانت تجلس “ندى” وهي تقول بصوتٍ عالٍ: -أنا عايزة حقي يا خالتي، حقي كله ومش هتنازل عن أي حاجة سمعتي؟! وابنك المصون اشبعي بيه، أنا فكرت إني هعيش وهتبسط مش يتدفن شبابي بالحيا، ده أنتوا عيلة تقصف العمر، ومفيش فيكم حد عدل، تعرفي يا خالتي مرات “زياد” الأولى عمرك ما هتلاقي زيها، كنتِ دايمًا بتعيبي فيها قدام العيلة والكل يقعد يضحك، كانت بتحاول تساعدك وتساندك لكن مفيش حاجة بتعملها كانت بتعجبك، أما مرات “أمجد” فطول الوقت قاعدة ومبتعملش أي حاجة غير إنها تجيب سيرة اللي رايح واللي جاي ودي بس اللي على هواكي، أنا حقيقي مستغرباكِ، بس فعلًا لؤم البشر ده ليه ناسه. شعرت “مريم” بأنها على حافة الهاوية ولم تقدر على سماع كلمة أخرى بعد أن هدمت بيت ولدها بيديها، فوقعت مغشيًا عليها ولم يلتفت إليها أحد، ذهبت “ندى” إلى بيت عائلتها لتخبرهم بكل ما حدث؛ ليتخذوا الإجراءات اللازمة وكأن هدم منزلها أمرين، لكن من مثلها لا يعلمون معنى الاستقرار ولا تكوين أسرة؛ فقط كل همها هو المال وحسب. عودة مرة أخرى إلى “أنس الوجود” وزوجها “زياد”. -حقك علي يا “أنس” أنا جيت عليكِ وظلمتك، أنتِ ازاي قدرتِ تخبي عليا الحقيقة طول المدة دي كلها؟! تنهدت “أنس الوجود” ومسحت دموعها ثم قالت: -اللي بيقدر يا “زياد” مبيحبش يشوف اللي بيحبه يحس بأي شعور وحش، أنا جدي رباني على الأصول ومش معقول أجي أكيد، تفضل النص المكتوب من الصور الخمس التي أرفقتها، دون أي تغيير: أظلمك، كان عندي أمل كبير في ربنا إنه يكرمنا بحتة عيل، مفيش حاجة بعيدة عن ربنا يا حبيبي. قال “زياد” بمشاكسة: -اممم حبيبك؟! أنا وحشني أسمع كلمتك المفضلة. نظرت إليه “أنس الوجود” بخجل وقالت: -يا قلب أنس من جوا، ينفع نمشي من هنا بقى عشان الناس بدأت تتفرج وأنا مش حابة أكون في الموقف ده، ولا أنت إيه رأيك؟! -زوجك غيور يا ست هانم، يالا بينا نروح على المزرعة، أنا قررت أبعد عن البيت وقلت لجدي كده فاقترح عليا إننا نعيش معاه وأنتِ عارفة مفيش بعد كلمة جدي يعني. نظرت إليه نظرة رضا ثم قالت: -“زياد”.. ابتسم لها بحب وقربها منه وعانقها وقال: -قلب “زياد” من جوا يا ست البنات. -قولي عامل ليا عمل عند أي دجال عشان أسامحك بسرعة كده؟! -تؤتؤ ده مش عمل ده تأثير دعائي، رغم بعدك عني واللي كنت السبب فيه كنت كل يوم بقيم الليل وبدعي ربنا حبي ميقلش من قلبك، أنتِ حبي الأول والأخير ومش هشوف غيرك يا حبيبة قلبي، ربنا يديمك ليا. قال “زياد” آخر كلماته ثم تحركا معًا ناحية المزرعة وحاولت “أنس الوجود” نسيان الأمر تدريجيًا، علمت أن الانتقام لن يفيد، لكن جدها “صالح” لم يتركها لثانية واحدة بل نفذ. وعده لها بأنه سيربي “زياد” من جديد ليدرك قيمتها، في بداية الأمر وافق على العمل معه في المزرعة ومساندته ووافق أيضًا على المكوث في المزرعة بدلًا من الذهاب إلى منزل آخر، وآخر شيء عندما علم جدها أن هناك مفاجأة خاصة يحضرها “زياد” لها فقرر عدم الإفصاح عنها وتركه هو ليخبرها، بعد مرور شهر تقريبًا على كل تلك الأحداث قرر “زياد” الذهاب إلى زوجته وإخبارها بالمفاجأة المنتظرة، انتظر بعد أن انتهوا من تناول طعام الغداء معًا ثم قال بمرح: -جدي الغالي وزوجتي المصون، أنا محضر ليكم مفاجأة، أنا من فترة كبيرة بحوش وأخيرًا قدرت أكمل المبلغ المطلوب وهنروح احنا التلاتة سوا نعمل عمرة، أنا عارف يا “أنس” إنها كانت أمنيتك من زمان وآن الأوان تتحقق، وأنتَ. صفحة 60 يا جدي تعبت معانا كتير ولازم نعملك حاجة تفرحك. نظرت “أنس الوجود” إلى جدها بسعادة بالغة ثم قامت على الفور اقتربت من زوجها وعانقته. نظر إليهما “صالح” وقال: -طيب والله عيب، أكون قاعد وكل ده يحصل قدامي، فين حضن جدو يا ست هانم؟ ولا خلاص كده! ذهب “زياد” برفقة زوجته إلى “صالح” وتركها تعانقه كما تشاء لكن على حين غفلة شدته ناحية جدها ليعانقه هو أيضًا، ابتسمت بحبور على كل ما يحدث، حمدت الله أن الاختبار الصعب مر بسلام، وبدأت في تجهيز الحقائب للاستعداد لرحلة العمرة، عدى أسبوع كامل وسافر صالح برفقة عائلته الصغيرة وأغلق المزرعة وأعطى لمساعده. ”كريم” إجازة طوال فترة غيابهم، بعد أن وصلوا إلى الفندق دخل كل منهم إلى غرفته. في غرفة “زياد” و”أنس الوجود”، اقترب “زياد” من زوجته وربت على كتفها وقال: -الهدايا اللي ربنا بيبعتها لينا مينفعش نفرط فيها ولا نزعلها. تنهدت “أنس الوجود” تنهيدة عميقة ثم قالت بلطف: -الحمد لله يا “زياد” كانت فترة سيئة ومرت، أنا يمكن اتكسرت منك جامد، بس أنا مكنتش عارفه أعمل إيه، تعرف أنا دماغي سوحتني وكنت عايزة أطلق بس جدي قالي خراب القلوب مش هين يا بنتي، مسيره يرجع لك ويدرك قيمتك، وأديك رجعت ليا وبصراحة بقى أنا مقدرش أستغنى عنك. بالتأكيد، تفضل نص الصفحات الأربع من رواية “ظلي الحارس” للكاتبة مروة الشربيني، مكتوبة تماماً كما وردت في الصور: صفحة 62 اقترب منها وعانقها وهو يقول: وأنا كمان مقدرش أستغنى عنك ولا أسيبك لحد تاني غيري، أنتِ بتاعتي أنا وبس يا “أنس” واللي يفكر يقرب منك هفرمه سمعتي! شعرت بالسعادة على غيرته عليها فاقتربت منه أكثر وقالت: بس تعرف أنت وحشتني أوي، وإن شاء الله بعد العمرة نرجع احنا الأربعة. استغرب من كلمتها فعقب وقال: أربعة ازاي يعني!! احنا تلاتة بس، قصدك إيه؟! معلش اتلخبطت، قصدي يعني نرجع بالسلامة. لم يقتنع بما تقوله مطلقاً لكنه لم يرد الضغط عليها أكثر من ذلك، تركها لتغير ملابسها وخرج خارج الغرفة ونزل إلى استراحة الفندق، كان يدعوا بصدق ويقين أن يعوضهما الله بطفل صغير يهون عليهما علقم الليالي. بعد مرور عشرة أيام رجع “زياد” ومعه زوجته وجدهما إلى المزرعة وعادت الحياة كسابق عهدها، كان يشعر “زياد” بالقلق الشديد على زوجته فمنذ عودتها من العمرة وهي متغيرة الحال، لا تطيق رائحة الطعام ولا أي رائحة غريبة حولها، دائماً تشعر بالغثيان وكلما عرض عليها الذهاب للطبيبة ترفض بشدة إلى أن جاء اليوم المنتظر الذي لن ينساه أبداً، عندما دخلت عليه غرفة مكتبه فجأة وهي تصرخ وتقول: ”زياد” الحقني فيه فأر في أوضتنا، تعالى مو/ته بسرعة، آآه. هرول “زياد” إلى غرفتهما وما إن فتحها حتى وجد ما أبهج فؤاده، وجد الكثير من البالونات المعلقة باللون الزهري الذي تعشقه زوجته كما وجد على السرير ملابساً لطفل صغير وبجوارها اختبار حمل، نظر إليها ليتأكد مما يرى فاقتربت منه وعانقته من الخلف وهي تقول بسعادة بالغة: آه ربنا استجاب لدعائنا سوا، وشوفت ازاي رجعنا من العمرة أربعة مش تلاتة! قلت لك إن ربنا كريم يا “زياد” والحمد لله إننا كنا صادقين في الدعاء وعشان كده ربنا كرمني بطفل منك يا حبيب قلبي. تركها وسجد سجدة شكر لله على عطاياه الكثيرة، فقد أكرمه بزوجة لن يرى مثلها والآن يكرمه بطفل منها بعد أن مرا معاً بابتلاء مؤلم، حمد الله أيضاً على نعمة الاستقرار وتكوين أسرة صالحة، وفي تلك اللحظة نظرت “أنس الوجود” خلفها لترى جدها “صالح” ينظر إليهما بحب، حمدت الله هي أيضاً على نعمة ظلها الحارس الذي لم يفرط فيها أبداً، بل أكرمها وأحسن معاملتها وتربيتها واطمأن عليها بعد أن زوجها لزوج يشبهها. “كان ظلي الحارس الذي يخاف عليّ من شرور الحياة، فكنت له ابنة صالحة ترعاه في كل وقت وحين” تمت بحمد الله.

مقالات ذات صلة

اوقع ذات العكازين ارضا

رسميا.. سيراميكا يعلن إصـ,ـابة أحمد القندوسى بكـ,ـسر فى الساق

إغلاق فروع لـ”بلبن” في مصر..

انتي فاشلة – حكايات منال علي ٢

اختفى طفلي حديث الولاده

رحمتك يارب

اترك تعليقاً إلغاء الرد