كان الرقيب
“فتح الباب… ولأول مرة، كريم الدهشوري حس إن الخوف بيدخل قلبه بجد.”
كان الحاج “فؤاد” واقف بثبات… مش بيزعق، مش متهور… لكن عينيه كان فيهم حاجة تقيلة… حاجة تخلي أي حد يفهم إن الموضوع انتهى.
كريم حاول يتمالك نفسه:
— إيه اللي جابك دلوقتي؟
الحاج فؤاد رد بهدوء:
— جاي آخد بنتي… بس الظاهر إني جيت في الوقت الصح.
مدام سعاد تدخلت بسرعة:
— بنتك؟! دي مرات ابني! ومش هتمشي غير لما تتربى!
الحاج فؤاد لف لها ببطء… وبص لها نظرة خلتها تسكت لحظة:
— بنتي مش جارية عند حد… واللي حصل الصبح ده… هتتحاسبوا عليه.
كريم حاول يضحك بس صوته كان مهزوز:
— تحاسبنا على إيه؟! دي مشكلة عائلية عادية!
في اللحظة دي… الحاج فؤاد طلع موبايله… وشغل الفيديو.
نفس الفيديو.
بس المرة دي… الصوت عالي.
وجيران العمارة بدأوا يفتحوا أبوابهم.
“الست لازم تتعلم تخدم…”
الصوت اتردد في السلم كله.
وشوش بدأت تظهر… همسات… نظرات صدمة.
مدام سعاد اتوترت:
— وطي الصوت! إنت بتفضحنا!
الحاج فؤاد رد بنفس الهدوء:
— اللي بيحصل في السر… لازم يتشاف في النور.
كريم اتعصب فجأة:
— اقفل الزفت ده!
وقبل ما يقرب… كان في صوت جديد طالع من تحت العمارة:
— في إيه هنا؟
اتنين أمن واقفين… ومعاهم واحد ببدلة رسمية.
طلعوا السلم بخطوات ثابتة.
الرجل اللي ببدلة قدم نفسه:
— أنا محامي الأستاذة مريم… ومعايا إخطار رسمي.
إدى الورق لكريم.
إيده كانت بتترعش وهو بيقرأ:
“دعوى طلاق للضـ,ـرر… وتعويض… وبلاغ رسمي بالإهـ,ـانة والتهـ,ـديد…”
مدام سعاد صرخت:
— تعويض إيه! دي بنت مش جايبة حاجة!
هنا الحاج فؤاد ابتسم لأول مرة… ابتسامة خفيفة بس مؤلمة:
— الحساب كله باسم بنتي… الـ 420 ألف جنيه… ولا نسيتي؟
الصمت ضـ,ـرب المكان.
كريم رفع عينه بصدمة:
— إيه؟!
— الفلوس اللي كنت فاكرها بتاعتك… ولا يوم كانت ليك. دي أمان لبنتي… عشان اليوم ده.
الضـ,ـربة كانت تقيلة.
بس لسه مخلصتش.
المحامي كمل:
— وبخصوص الفيديو… تم تقديمه كدليل… ولو حاولتوا الضغط أو التهديد… هيتحول الموضوع لقضية أكبر.
واحد من الجيران قال بصوت واطي:
— معقول ده يحصل في أول يوم جواز؟
همسات بدأت تكبر… ونظرات الناس بقت إدانة صريحة.
كريم حس إنه محاصر… مش في بيته… لكن في فضيحة.
بص لأبوه… يمكن يلاقي دعم.
لكن لأول مرة… أبوه بصله باحتقار:
— إنت اللي عملت كده في نفسك.
